Related Post
മലപ്പുറം: മലപ്പുറം കോട്ടയ്ക്കലിൽ സഹോദരനെ വാഹനമിടിച്ച് കൊലപ്പെടുത്താൻ ശ്രമം. അപകടം ഉണ്ടാക്കുന്നതിനായി സഹോദരൻ നിൽക്കുന്നയിടത്തേക്ക് വാഹനം ഓടിച്ചുകയറ്റുന്നതിനിടെ ഇതരസംസ്ഥാന തൊഴിലാളിക്ക് ഗുരുതരമായി പരുക്കേറ്റു. ബംഗാൾ സ്വദേശി മൻസൂറിനാണ് പരുക്കേറ്റത്. ആശുപത്രിയിൽ പ്രവേശിപ്പിച്ച മൻസൂറിന്റെ ആരോഗ്യനില അതീവ ഗുരുതരമായി തുടരുകയാണ്.
സംഭവത്തിൽ കോട്ടയ്ക്കൽ തോക്കാംപാറ സ്വദേശി അബൂബക്കറിനെ പെോലീസ് അറസ്റ്റ് ചെയ്തു. സഹോദരൻ ഉമ്മറിനെ വാഹനമിടിച്ച് അപായപ്പെടുത്താനായിരുന്നു അബൂബക്കറിന്റെ ശ്രമം. അതിനായി കടയിലേക്ക് പിക്കപ്പ് ലോറി ഇടിച്ചു കയറ്റുകയായിരുന്നു. എന്നാൽ ഈ സമയം കടയിൽ ഉണ്ടായിരുന്ന ബംഗാൾ സ്വദേശി മൻസൂറാണ് അപകടത്തിൽപ്പെട്ടത്. അബൂബക്കറിന് എതിരെ വധശ്രമത്തിന് കേസെടുത്ത് പോലീസ് അന്വേഷണം തുടങ്ങി.
ആത്മഹത്യ ചെയ്ത അധ്യാപികയുടെ നിയമനത്തിന് അംഗീകാരമില്ല, വീഴ്ചപറ്റിയത് മാനേജ്മെന്റിനുതന്നെ- വിദ്യാഭ്യാസവകുപ്പിന്റെ റിപ്പോർട്ട്
