മലപ്പുറം: കുറ്റൂർ നോർത്തിൽ വിദ്യാർഥികളെ വളഞ്ഞിട്ട് തല്ലി സീനിയർ വിദ്യാർഥികൾ. ഇവർ മർദിക്കുന്ന ദൃശ്യങ്ങളെടുത്ത് റീലുകളാക്കി സമൂഹമാധ്യമത്തിലൂടെ പ്രചരിപ്പിച്ചു. മലപ്പുറം കുറ്റൂർ കെഎംഎച്ച്എസ്എസ് സ്കൂളിലെ പത്താം ക്ലാസ് വിദ്യാർഥികളാണ് ജൂനിയർ വിദ്യാർഥികളെ തല്ലി‌യത്. മർദനത്തിൽ ഒമ്പതാം ക്ലാസ് വിദ്യാർഥിക്ക് സാരമായി പരുക്കേറ്റു. സംഭവത്തിൽ ഒരു കുട്ടിയുടെ പിതാവ് വേങ്ങര പോലീസിൽ പരാതി നൽകി.
9-ാം ക്ലാസുകാരെ വിദ്യാർത്ഥികൾ മർദിക്കുന്നതിന്റെ വീഡിയോ സിനിമ ഡയലോഗുകൾ മിക്സ് ചെയ്താണ് ചിത്രീകരിച്ചിട്ടുളളത്. നിരവധി വിദ്യാർഥികളാണ് സീനിയർ കുട്ടികളുടെ മർദനത്തിനിരയായത്. ഇതുവരെ സ്കൂൾ ഭരിച്ചത് തങ്ങളാണെന്നും ഇനിയും ഭരിക്കുമെന്നും അടിക്കുറിപ്പോടെയാണ് റീൽ.
Related Post
