സോഷ്യല് മീഡിയയില് വിഡിയോ പ്രചരിച്ചതിനെ തുടര്ന്ന് യുവാവ് ആത്മഹത്യ ചെയ്ത സംഭവത്തില് പ്രതികരണവുമായി സന്തോഷ് പണ്ഡിറ്റ്. നിരപരാധിയെന്ന് സ്വയം വിശ്വസിക്കുന്നുണ്ടെങ്കില് സാഹചര്യത്തെ ധൈര്യപൂര്വ്വം നേരിടണമായിരുന്നുവെന്നാണ് സന്തോഷ് പണ്ഡിറ്റ് പറയുന്നത്.
ആത്മഹത്യ ഒന്നിനുമൊരു പരിഹാരമല്ലെന്നും അദ്ദേഹം കുറിപ്പില് പറയുന്നു. ആണുങ്ങള്ക്ക് ഈ സംഭവമൊക്കെ വലിയ പാഠമാണ്. സ്ത്രീകളെ കാണുമ്പോള് പരമാവധി വിട്ട് നടന്നാല് അവനവനു കൊള്ളാം. ഏതെങ്കിലും പെണ്ണ് എന്തെങ്കിലും പറഞ്ഞു വീഡിയോ ഉണ്ടാക്കി വൈറല് ആക്കിയാല് കോടതിയോ മാധ്യമങ്ങളോ പൊലീസോ ആരും നിങ്ങളുടെ കൂടെ ഉണ്ടാകില്ല. ഓര്ത്തോ എന്നും അദ്ദേഹം കുറിപ്പില് പറയുന്നുണ്ട്.
സ്ത്രീകള്ക്ക് മാത്രമല്ലല്ലോ, പുരുഷനും അന്തസ്സ് ഉണ്ട്. രക്തം ദാനം ചെയ്തിട്ട് യുവാവ് തിരിച്ച് ബസ്സില് വീട്ടിലേക്ക് പോകുന്ന വഴി ആണ് ദീപക്കിന് ഈ സംഭവം ഉണ്ടായത്, തന്നെ ഈ യുവാവ് സ്പര്ശിച്ചു എന്ന രീതിയില് ഒരു യുവതി ബസ്സില് നിന്നും വീഡിയോ എടുത്തതും, യുവതി തന്റെ ഫെയ്സ്ബുക്ക് അക്കൗണ്ടില് ഇട്ട് അത് വൈറല് ആക്കിയതും. വീഡിയോ പുറത്ത് വന്നതില് പിന്നെ വളരെ സമ്മര്ദ്ദത്തില് ആയ യുവാവ് മരണം തെരഞ്ഞെടുത്തു. ആ സംഭവത്തിന്റെ ശരിയും, തെറ്റുമെല്ലാം കോടതി ആണല്ലോ വീഡിയോ നോക്കി തീരുമാനിക്കേണ്ടത്. ആണുങ്ങള്ക്ക് ഈ സംഭവമൊക്കെ വലിയ പാഠമാണ്.. സ്ത്രീകളെ കാണുമ്പോള് പരമാവധി വിട്ട് നടന്നാല് അവനവനു കൊള്ളാമെന്ന് സന്തോഷ് പണ്ഡിറ്റ് പറയുന്നു.
Related Post
