തിരുവനന്തപുരം: ജില്ലാ പഞ്ചായത്ത് തിരഞ്ഞെടുപ്പിൽ മത്സരിക്കുന്ന സ്ഥാനാർഥികളുടെ രണ്ടാംഘട്ട പട്ടികയും കോൺഗ്രസ് പുറത്തുവിട്ടു. 13 സ്ഥാനാർഥികളെയാണ് രണ്ടാം ഘട്ടത്തിൽ കോൺഗ്രസ് പ്രഖ്യാപിച്ചത്. നേരത്തേ, 12 സ്ഥാനാർഥികളേയും പ്രഖ്യാപിച്ചിരുന്നു. പോത്തൻകോട് ഡിവിഷനിൽ ട്രാൻസ്ജൻഡർ വിഭാഗത്തിൽനിന്നുള്ള അമേയ പ്രസാദ് യുഡിഎഫ് സ്ഥാനാർഥിയായി മത്സരിക്കും.
അതേസമയം നാവായിക്കുളം ഡിവിഷനിൽ ആർഎസ്പിയും കണിയാപുരത്ത് മുസ്‍ലിം ലീഗും മത്സരിക്കും. കെഎസ്‌യു ജില്ലാ പ്രസിഡന്റ് ഗോപു നയ്യാർ പൂവച്ചൽ വാർഡിൽനിന്ന് ജനവിധി തേടും. ഡിസിസി വൈസ് പ്രസിഡന്റും മുൻ യൂത്ത് കോൺഗ്രസ് ജില്ലാ പ്രസിഡന്റുമായ സുധീർഷാ പാലോട് കല്ലറയിൽ നിന്നാകും മത്സരിക്കുക.
രണ്ടാംഘട്ട പട്ടികയിലെ സ്ഥാനാർഥികൾ ഇവർ-
കല്ലറ: സുധീർഷാ പാലോട്
വെഞ്ഞാറമ്മൂട്: വെമ്പായം എസ്. അനിൽകുമാർ
ആനാട്: തേക്കട അനിൽകുമാർ
പാലോട്: അരുൺരാജ്
ആര്യനാട്: പ്രദീപ് നാരായണൻ
വെള്ളനാട്: എസ്. ഇന്ദുലേഖ
പൂവച്ചൽ: ഗോപു നെയ്യാർ
ഒറ്റശേഖരമംഗലം: ആനി പ്രസാദ്
കുന്നത്തുകാൽ: വിനി വി.പി
പാറശാല: കൊറ്റാമം വിനോദ്
മലയിൻകീഴ്: എം. മണികണ്ഠൻ
പോത്തൻകോട്: അമേയ പ്രസാദ്
കല്ലമ്പലം: ലിസ നിസാം
Related Post
