Related Post
ഇന്ത്യൻ കരസേനയ്ക്കുള്ള ആദ്യ ബാച്ച് അപ്പാചഷെ ഹെലികോപ്റ്ററുകൾ ഹിൻഡൺ വ്യോമതാവളത്തിൽ എത്തി. മൂന്ന് അപ്പാഷെ ആക്രമണ ഹെലികോപ്റ്ററുകൾ ആണ് അമേരിക്കയിൽ നിന്നും എത്തിയത്. അസംബ്ലിംഗ്, ഇൻഡക്ഷൻ തുടങ്ങിയ മറ്റ് നടപടിക്രമങ്ങൾ പ്രോട്ടോക്കോൾ അനുസരിച്ച് പൂർത്തിയാക്കുമെന്ന് സൈന്യം അറിയിച്ചു.
ജോധ്പൂരിൽ ആകും ഈ ഹെലിക്കോപ്റ്ററുകൾ വിന്യസിക്കുക. ലോകത്തിലെ ഏറ്റവും നൂതനമായ ആക്രമണ ഹെലികോപ്റ്ററുകളിൽ ഒന്നാണ് എഎച്ച്-64ഇ അപ്പാഷെ ഹെലികോപ്റ്ററുകൾ.യുഎസ് കമ്പനിയായ ബോയിംഗ് രൂപകൽപ്പന ചെയ്ത് നിർമ്മിക്കുന്ന അപ്പാഷെ നിലവിൽ യുണൈറ്റഡ് സ്റ്റേറ്റ്സ്, യുകെ, ഇസ്രായേൽ, ഈജിപ്ത് തുടങ്ങിയ രാജ്യങ്ങളിലെ സായുധ സേനകൾ നിലവിൽ ഉപയോഗിക്കുന്നുണ്ട്.
30 എംഎം ചെയിൻഗൺ, ലേസർ, റഡാർ-ഗൈഡഡ് ഹെൽഫയർ മിസൈലുകളും, ആകാശത്ത് നിന്നും കരയിലേക്ക് ആക്രമണം നടത്താൻ കഴിയുന്ന റോക്കറ്റ് പോഡുകളും ഹെലികോപ്റ്ററുകളിൽ ഉണ്ട്.
