അഹമ്മദാബാദ്: 2002ലെ ഗുജറാത്ത് കലാപത്തിനിടെ ഇന്ത്യൻ വംശജരായ മൂന്ന് ബ്രിട്ടീഷ് പൗരന്മാരെ കൊലപ്പെടുത്തിയ കേസിലെ ആറ് പ്രതികളെ ഹൈക്കോടതി വെറുതെ വിട്ടു. വിചാരണ കോടതി ഉത്തരവ് ശരിവച്ചാണ് ജസ്റ്റിസുമാരായ എ വൈ കോഗ്ജെ, സമീർ ജെ ദാവെ എന്നിവരുൾപ്പെട്ട ഡിവിഷൻ ബെഞ്ചിന്റെ നടപടി.
സാക്ഷിമൊഴികളും അന്വേഷണോദ്യോഗ സ്ഥരുടെ മൊഴികളും പരിശോധിച്ച ബെഞ്ച് ഹിമ്മത് നഗറിലെ സബർകന്ത പ്രിൻസി പ്പൾ ഡിസ്ട്രിക്ട് ആൻ്റ് സെഷൻസ് കോടതി യുടെ 2015 ഫെബ്രുവരി 27ലെ വിധിയിൽ ഇടപെടുന്നില്ലെന്നും ചൂണ്ടിക്കാട്ടി. പ്രഹ്ലാദ് പട്ടേൽ, പ്രവീൺഭായ് ജീവഭായ് പട്ടേൽ, രമേശ് പട്ടേൽ, മനോജ് പട്ടേൽ, രാജേഷ് പട്ടേൽ, കലാഭായ് പട്ടേൽ എന്നിവരാണ് പ്രതികൾ.
കേസിലെ തെളിവുകളും എഫ്ഐആർ പ്രകാരം വാദിഭാഗം ഉന്നയിക്കുന്ന വാദങ്ങളിലും വ്യക്തതയില്ലെന്ന് കോടതി നിരീക്ഷി ച്ചു. സാക്ഷിമൊഴിയനുസരിച്ച് പ്രതികളുടെ ഉയരവും ധരിച്ചിരുന്ന വസ്ത്രങ്ങളും തിരിച്ചറി ഞ്ഞു എന്നതും പ്രായം ഊഹിച്ചുവെന്നതും തെളിവായി പരിഗണിക്കാൻ സാധിക്കില്ലെന്ന വിചാരണ കോടതി വിധി ഹൈക്കോടതിയും സാധൂകരിക്കുകയായിരുന്നു.
Related Post
ഇമ്രാൻ മുഹമ്മദ് സലിം ദാവൂദ് എന്നയാളുടെ പരാതിയിലാണ് പൊലീസ് എഫ്ഐ ആർ രജിസ്റ്റർ ചെയ്തത്. ബന്ധുക്കളായ സയീദ് സഫീഖ് ദാവൂദ്, സകിൽ അബ്ദുൾ ഭായ് ദാവൂദ്, മുഹമ്മദ് നല്ലഭായ് അബ്ദുൾ ഭായ് അൻ വർ എന്നിവർ ഹിമ്മത് നഗറിലേക്ക് മടങ്ങി വരുന്നതിനിടെ 2002 ഫെബ്രുവരി 28ന് ആൾക്കൂട്ടം ആക്രമിച്ച് കൊലപ്പെടുത്തിയെന്നായിരുന്നു പരാതി.
