കണ്ണൂർ: അഴീക്കോട്‌ ഉത്സവ വെടിക്കെട്ടിനിടെയുണ്ടായ അപകടത്തിൽ ഒരു കുട്ടിയുൾപ്പെടെ 5 പേർക്ക് പരുക്ക്. ഇതിൽ ഒരാളുടെ നില ഗുരുതരമാണ്. വെടിക്കെട്ടിനിടെ നാടൻ അമിട്ട് ആൾക്കൂട്ടത്തിനിടയിൽ വീണ് പൊട്ടുകയായിരുന്നു. നീർക്കടവ് മുച്ചിരിയൻ ക്ഷേത്രത്തിലാണ് അപകടമുണ്ടായത്. ഇന്ന് പുലർച്ചെ നാലുമണിയോടെയാണ് അപകടം.
പുലർച്ചെ തെയ്യം ഉത്സവത്തിനിടെയാണ് അപകടം. തിരിക്കു തീകൊളുത്തിയ നാടൻ അമിട്ട് മുകളിൽ പോയി പൊട്ടാതെ ആൾക്കൂട്ടത്തിനിടയിലേക്ക് വീണു പൊട്ടുകയായിരുന്നു. 12 വയസുള്ള കുട്ടിയുൾപ്പെടെവർക്കാണ് പരുക്കേറ്റത്. ഒരാളുടെ നില ഗുരുതരമാണ്. ഇയാളെ മംഗലാപുരത്തുള്ള ആശുപത്രിയിലേക്ക് മാറ്റി. പത്തിരിയ്യം തെയ്യമായിരുന്നു ഇത്. നിരവധി ആളുകളാണ് തെയ്യം കാണാനെത്തിയിരുന്നത്.
ഗൂഗിള്‍ പേ ഉപയോഗിച്ച് ബില്‍ പേയ്മെന്‍റുകള്‍ നടത്തുന്നുണ്ടോ? ‘കണ്‍വീനിയന്‍സ് ഫീസ്’ ഏര്‍പ്പെടുത്തി
Related Post
