കൊച്ചി: സംസ്ഥാനത്ത് കനത്ത മഴ തുടരുന്ന സാഹചര്യത്തില് ഏഴ് ജില്ലകളിലേയും 4 താലൂക്കുകളിലേയും വിദ്യാഭ്യാസ സ്ഥാപനങ്ങള്ക്ക് കലക്ടര്മാര് അവധി പ്രഖ്യാപിച്ചു. വയനാട്, പാലക്കാട്, തൃശൂര്, എറണാകുളം, ഇടുക്കി, കോട്ടയം, പത്തനംതിട്ട ജില്ലകളിലാണ് അവധി. ചേര്ത്തല, കുട്ടനാട്, നിലമ്പൂര്, ഇരിട്ടി താലൂക്കുകളിലെ വിദ്യാഭ്യാസ സ്ഥാപനങ്ങള്ക്കും അവധിയുണ്ട്. പരീക്ഷകള്, അഭിമുഖങ്ങള് എന്നിവയ്ക്ക് അവധി ബാധകമല്ല.
വയനാട്
ജില്ലയില് നാളെ (ജൂണ് 26) ഓറഞ്ച് അലര്ട്ട് പ്രഖ്യാപിക്കുകയും ശക്തമായ മഴ തുടരുകയും ചെയ്യുന്ന സാഹചര്യത്തില് ജില്ലയിലെ റസിഡന്ഷ്യല് വിദ്യാഭ്യാസ സ്ഥാപനങ്ങള് ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ (ജൂണ് 26) അവധി പ്രഖ്യാപിച്ചു. പ്രൊഫഷണല് കോളേജുകള് ക്കും,മദ്രസ്സകള്ക്കും അംഗന്വാടികള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്ക് അവധി ബാധകമല്ല.
Related Post
പാലക്കാട്
ജില്ലയില് ശക്തമായ മഴ തുടരുന്നു സാഹചര്യത്തില് മുന്കരുതല് നടപടിയുടെ ഭാഗമായി നാളെ ജില്ലയിലെ അങ്കണവാടികള്, നഴ്സറികള്, കേന്ദ്രീയ വിദ്യാലയങ്ങള്, സിബിഎസ്ഇ, ഐസിഎസ്ഇ, സ്കൂളുകള്, ട്യൂഷന് സെന്ററുകള് മദ്രസകള് ഉള്പ്പെടുയള്ള വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിക്കുന്നു.
പ്രൊഫഷണല് കോളജുകള് ഉള്പ്പെടെയുള്ള കോളജുകള്ക്ക് അവധി ബാധകമല്ല. പരീക്ഷകള്, അഭിമുഖങ്ങള്ക്കും മാറ്റമില്ല.
തൃശൂര്
ജില്ലയില് ഓറഞ്ച് അലര്ട്ട് പ്രഖ്യാപിക്കുകയും ശക്തമായ മഴ തുടരുകയും ചെയ്യുന്ന സാഹചര്യത്തില് മുന്കരുതല് നടപടിയുടെ ഭാഗമായി നാളെ (ജൂണ് 27) ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു. സി.ബി.എസ്.സി, ഐ.സി.എസ്.സി, കേന്ദ്രീയ വിദ്യാലയം, അങ്കണവാടികള്, മദ്രസകള്, ട്യൂഷന് സെന്ററുകള്, ട്രെയിനിങ് ഇന്സ്റ്റിറ്റ്യൂട്ടുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
എറണാകുളം
ജില്ലയില് ഓറഞ്ച് അലര്ട്ട് പ്രഖ്യാപിച്ച സാഹചര്യത്തില് പ്രൊഫഷണല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച്ച ( ജൂണ് 27) അവധിയായിരിക്കും. അങ്കണവാടികള്ക്കും ട്യൂഷന് സെന്ററുകള്ക്കും അവധി ബാധകമാണെന്ന് ജില്ലാ കലക്ടര് അറിയിച്ചു.
ഇടുക്കി
കനത്ത മഴയെ തുടര്ന്നു ജില്ലയിലെ റസിഡന്ഷ്യല് സ്ഥാപനങ്ങള് ഒഴികെ മറ്റെല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി. അങ്കണവാടികള്, സ്വകാര്യ, കേന്ദ്രീയ വിദ്യാലയങ്ങള്, പ്രൊഫഷണല് കോളജുകള് ഉള്പ്പെടയുള്ളവയ്ക്ക് അവധി ബാധകം.
കോട്ടയം
മഴ തുടരുന്നതിനാലും അതിശക്തമായ മഴ സാധ്യതാ മുന്നറിയിപ്പ് ലഭിച്ചിട്ടുള്ളതിനാലും കോട്ടയം ജില്ലയിലെ പ്രൊഫഷണല് കോളജുകള്, അങ്കണവാടികള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച (2025 ജൂണ് 27) അവധി പ്രഖ്യാപിച്ച് ഉത്തരവായി. മുന് നിശ്ചയിച്ച പരീക്ഷകള്ക്ക് അവധി ബാധകമല്ല.
പത്തനംതിട്ട
കനത്ത മഴയുടെ സാഹചര്യത്തില് ജില്ലയില് നാളെ അങ്കണവാടികള്, സ്കൂളുകള്, പ്രൊഫഷണല് കോളജുകള്, ട്യൂഷന് സെന്ററുകള് ഉള്പ്പെടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും അവധി.
നിലമ്പൂര്, ചേര്ത്തല, കുട്ടനാട്, ഇരിട്ടി
ശക്തമായ മഴ തുടരുന്ന സാഹചര്യത്തില് നിലമ്പൂര് താലൂക്കിലെ ഹയര് സെക്കന്ഡറി ഉള്പ്പെടെ മുഴുവന് സ്കൂളുകള്ക്കും ബഡ്സ് സ്കൂളുകള്ക്കും അങ്കണവാടികള്ക്കും മദ്റസകള്ക്കും നാളെ (ജൂണ് 27 ന്) അവധി ആയിരിക്കും . പരീക്ഷകള്ക്കും റസിഡന്ഷ്യല് സ്ഥാപനങ്ങള്ക്കും അവധി ബാധകമല്ല.
ആലപ്പുഴ ജില്ലയില് ശക്തമായ മഴ തുടരുന്നതിനാലും ചേര്ത്തല, കുട്ടനാട് താലൂക്കുകളില് വെള്ളപ്പൊക്ക ഭീഷണിയുള്ളതിനാലും നാളെ ( 27/06/2025 വെള്ളിയാഴ്ച ) ചേര്ത്തല, കുട്ടനാട് താലൂക്കിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും, അങ്കണവാടികള്ക്കും ട്യൂഷന് സെന്ററുകള്ക്കും അവധി നല്കി ഉത്തരവായി. മുന് നിശ്ചയിച്ച പരീക്ഷകള്ക്ക് മാറ്റമില്ല.
ഇരിട്ടി താലൂക്കിൽ കനത്ത മഴ തുടരുന്ന സാഹചര്യത്തിൽ ഇരിട്ടി താലൂക്കിലെ സ്കൂളുകൾ, അങ്കണവാടികൾ, മതപഠന സ്ഥാപനങ്ങൾ, ട്യൂഷൻ സെൻ്ററുകൾ, പ്രൊഫഷണൽ കോളേജുകൾ ഉൾപ്പടെ എല്ലാ വിദ്യാഭ്യാസ സ്ഥാപനങ്ങൾക്കും നാളെ (27/06/2025, വെള്ളിയാഴ്ച) അവധി പ്രഖ്യാപിച്ചതായി അറിയിക്കുന്നു. മുൻകൂട്ടി നിശ്ചയിച്ച പരീക്ഷകൾക്ക് മാറ്റം ഉണ്ടായിരിക്കുന്നതല്ല.
