Related Post
തിരുവനന്തപുരം / കൊച്ചി: കേരളത്തില്‍ രണ്ടിടങ്ങളില്‍ ബോംബ് ഭീഷണി. തിരുവനന്തപുരം റെയിൽവേ സ്റ്റേഷനിലും നെടുമ്പാശ്ശേരി വിമാനത്താവളത്തിലുമാണ് ബോംബ് വച്ചെന്ന് ഭീഷണി സന്ദേശം ലഭിച്ചത്. രണ്ടിടത്തും ബോംബ് സ്‌ക്വാഡിന്‍റെ നേതൃത്വത്തിൽ പരിശോധന തുടരുകയാണ്. തെലങ്കാനയിൽ നിന്നാണ് സന്ദേശം അയച്ചതെന്നും ആളെക്കുറിച്ചു സൂചന ലഭിച്ചെന്നും പോലീസ് പറഞ്ഞു. അന്വേഷണം പുരോഗമിക്കുകയാണ്.
പോലീസിന്‍റെ ഫേസ്ബുക് മെസഞ്ചറിലേക്കാണ് ഭീഷണി സന്ദേശങ്ങൾ എത്തിയത്. ഉടന്‍തന്നെ കൊല്ലം, കോട്ടയം, എറണാകുളം റെയിൽവേ സ്റ്റേഷനുകളിലും പരിശോധന നടത്തി. നെടുമ്പാശ്ശേരി വിമാനത്താവളത്തിൽ സുരക്ഷാ ഏജൻസികളുടെ പ്രത്യേകയോഗം ചേർന്ന് സുരക്ഷ ശക്തമാക്കാൻ തീരുമാനിച്ചിട്ടുണ്ട്.
