കോട്ടയം: അയർക്കുന്നത്ത് ഇതരസംസ്ഥാന തൊഴിലാളി ഭാര്യയെ കൊലപ്പെടുത്തി കുഴിച്ചിട്ടതായി സംശയം. പശ്ചിമബംഗാൾ സ്വദേശിയായ സോണിയാണ് ഭാര്യ അൽപ്പനയെ കൊലപ്പെടുത്തിയതായി പോലീസിന് മൊഴി നൽകിയത്.
ഇയാൾ ആദ്യം ഭാര്യയെ കാണാനില്ലെന്ന് കാണിച്ചു അയർക്കുന്നം പോലീസിൽ പരാതി നൽകിയിരുന്നു. പിന്നാലെ ഇയാൾ നാട്ടിലേക്ക് പോകാൻ ശ്രമിച്ചു. ഇതോടെ സംശയം തോന്നിയ പോലീസ് വിശദമായി ചോദ്യം ചെയ്തതോടെയാണ് കൊലപാതക വിവരം വെളിപ്പെടുത്തിയത്. ഭാര്യയെ കൊന്ന് നിർമാണത്തിലിരിക്കുന്ന ഒരു വീട്ടിൽ കുഴിച്ചിട്ടെന്നാണ് ഇയാളുടെ മൊഴി. സംഭവത്തിൽ പോലീസ് അന്വേഷണം തുടരുകയാണ്. വൈകാതെ പ്രതി പറഞ്ഞ സ്ഥലത്ത് പോലീസ് പരിശോധന നടത്തുമെന്ന് പോലീസ് പറഞ്ഞു.
Related Post
