കൊച്ചി: ജാമ്യം ലഭിച്ച പാലക്കാട് എംഎല്എ രാഹുല് മാങ്കൂട്ടത്തിലിനെ പിന്തുണച്ച് രാഹുല് ഈശ്വര്. വന്തിട്ടെയെന്ന് സൊല്ല്, തിരുമ്പി വന്തിട്ടെയെന്ന് സൊല്ല്. എത്രകാലം കള്ള കേസില് അകത്തിട്ടാലും അവന് തിരിച്ചു വരും, സത്യം തെളിയിച്ച് തിരിച്ചടിക്കും എന്നാണ് രാഹുല് ഈശ്വര് ഫെയ്സ്ബുക്കില് കുറിച്ചത്.എംഎല്എയുടെ ജാമ്യാപേക്ഷയില് പത്തനംതിട്ട സെഷന്സ് കോടതിയാണ് ജാമ്യം അനുവദിച്ചത്.
കഴിഞ്ഞ ദിവസം ജാമ്യാപേക്ഷ പരിഗണിച്ചപ്പോള് ഡിജിറ്റല് തെളിവുകളുടെ ആധികാരികത സംബന്ധിച്ച് കോടതി സംശയമുന്നയിച്ചിരുന്നു. പരാതിക്കാരിയുമായി ഉഭയസമ്മതപ്രകാരമുള്ള ബന്ധമാണുണ്ടായിരുന്നതെന്ന് സ്ഥാപിക്കാനായിരുന്നു പ്രതിഭാഗം ശ്രമിച്ചത്. നിലവില് രണ്ടാഴ്ചയില് അധികമായി ജയിലില് കഴിയുകയാണ് രാഹുല്.
രാഹുല് മാങ്കൂട്ടത്തിലിനെതിരെ ചുമത്തിയ ആദ്യ ബലാത്സംഗ കേസിലെ മുന്കൂര് ജാമ്യാപേക്ഷ ഹൈക്കോടതി ഇന്ന് വീണ്ടും പരിഗണിക്കും. ജസ്റ്റിസ് കൗസര് എടപ്പഗത്തിന്റെ ബെഞ്ചാണ് ഹര്ജിയില് ഇന്ന് വിശദമായ വാദം കേള്ക്കുക.
Related Post
