കണ്ണൂർ: പിപി ദിവ്യയ്ക്ക് ജാമ്യം ലഭിക്കുമെന്ന് പ്രതീക്ഷിച്ചിരുന്നില്ലെന്ന് നവീൻ ബാബുവിൻറെ കുടുംബം. ഇനി എന്തു വേണമെന്ന് അഭിഭാഷകനുമായി ആലോചിച്ച ശേഷം നടപടിയെടുക്കുമെന്ന് നവീനിൻറെ ഭാര്യ മഞ്ജുഷ പ്രതികരിച്ചു.
നവീനിൻറെ മരണത്തിൽ നിയമപോരാട്ടം തുടരുമെന്നും അവർ കൂട്ടിച്ചേർത്തു. എഡിഎം നവീൻ ബാബുവിൻറെ മരണവുമായി ബന്ധപ്പെട്ട് റിമാൻഡിൽ കഴിയുന്ന കണ്ണൂർ ജില്ലാ പഞ്ചായത്ത് മുൻ പ്രസിഡൻറും സിപിഎം നേതാവുമായ പി.പി ദിവ്യയ്ക്ക് തലശേരി പ്രിൻസിപ്പൽ സെഷൻസ് കോടതിയാണ് ജാമ്യം അനുവദിച്ചത്.
കണ്ണൂർ പള്ളിക്കുന്നിലെ വനിതാ ജയിലിലാണ് ഒക്‌ടോബർ 29 മുതൽ ദിവ്യ കഴിയുന്നത്. 11 ദിവസങ്ങൾക്കുശേഷമാണ് ദിവ്യയ്ക്കു ജാമ്യം ലഭിക്കുന്നത്. അതേ സമയം ദിവ്യയ്ക്ക് ജാമ്യം ലഭിച്ചതിൽ സന്തോഷമുണ്ടെന്ന് പികെ ശ്രീമതി പ്രതികരിച്ചു.
Related Post
