കൊച്ചി: ഇന്ത്യയിലെ മറ്റ് ടെലികോം സേവനദാതാക്കളെ അപേക്ഷിച്ച് ഏറ്റവും ചെലവ് കുറഞ്ഞ്, എല്ലാവർക്കും താങ്ങാനാവുന്ന പ്ലാനുകൾ റിലയൻസ് ജിയോയുടേത് തന്നെയെന്ന് റിപ്പോർട്ട്. പ്രമുഖ ധനകാര്യ സേവന കമ്പനിയായ ബിഎൻപി പാരിബ പുറത്തുവിട്ട റിപ്പോർട്ടിലാണ് ഇക്കാര്യങ്ങൾ പറയുന്നത്.
ജിയോ, എയർടെൽ, വോഡഫോൺ ഐഡിയ എന്നീ മൂന്ന് പ്രധാന ടെലികോം കമ്പനികളുടെ പ്ലാനുകൾ വിലയിരുത്തിയാണ് ബിഎൻപി പാരിബ റിപ്പോർട്ട് പുറത്തുവിട്ടിരിക്കുന്നത്. ഒരേ പ്രൈസ് പെയ്ന്റിൽ ഏറ്റവും ഉയർന്ന ഡാറ്റ ആനുകൂല്യങ്ങൾ ജിയോയാണ് നൽകുന്നത്.
മൂന്ന് ടെലികോം കമ്പനികളുടെയും 28 ദിവസ പ്ലാനിന്റെ ചാർജ് 299 രൂപയാണ്. എന്നാൽ മറ്റ് കമ്പനികളെ അപേക്ഷിച്ച് ഈ പ്ലാനിൽ ഏറ്റവും കൂടുതൽ ഡാറ്റ ആനുകൂല്യങ്ങൾ നൽകുന്നത് ജിയോയാണ്. മുമ്പുണ്ടായിരുന്ന വാർഷിക പ്ലാനുകളിലും ഈ പ്രവണത തന്നെയാണ് ദൃശ്യമാകുന്നത്. 3599 രൂപയുടെ വാർഷിക പ്ലാനിൽ പ്രതിദിനം 2.5 ജിബി ഡാറ്റയാണ് ജിയോ നൽകുന്നത്. എന്നാൽ എയർടെലും വോഡഫോൺ ഐഡിയയും നൽകുന്നത് പ്രതിദിനം 2 ജിബി ഡാറ്റയാണ്.
Related Post
അതുപോലെ കൂടുതൽ ഡാറ്റ ഉപയോഗിക്കുന്ന ഉപയോക്താക്കൾക്ക് ഏറ്റവും ചെലവ് കുറഞ്ഞ ഓപ്ഷൻ അതുകൊണ്ടുതന്നെ ജിയോയാണെന്ന് ബിഎൻപി പാരിബ റിപ്പോർട്ടിൽ ചൂണ്ടിക്കാട്ടുന്നു. 84 ദിവസത്തേക്കുള്ള 799 രൂപയുടെ പ്ലാനിൽ പ്രതിദിനം 1.5 ജിബി ഡാറ്റയാണ് ജിയോ നൽകുന്നത്. ഇതുൾപ്പടെയുള്ള പ്ലാനുകൾ ഓൺലൈനായി റീചാർജ് ചെയ്യാം.
അതേസമയം ജിയോയുടെ 249 രൂപയുടെ പ്ലാൻ ഓഫ്‌ലൈൻ സ്റ്റോറുകളിൽ മാത്രമേ ഇപ്പോൾ ലഭ്യമാകൂ. എന്നാൽ 209 രൂപയുടെ പ്ലാൻ മൈജിയോ ആപ്പിൽ മാത്രമാണ് ലഭ്യമാകുന്നത്. വോയ്‌സ് ഓൺലി ഉപയോക്താക്കൾക്കുള്ള 189 രൂപയുടെ പ്ലാൻ ഇപ്പോഴും ജനകീയമാണ്. പരിധിയില്ലാത്ത വോയ്‌സ് കോളുകളും എസ്എംഎസും 28 ദിവസത്തേക്ക് ലഭ്യമാക്കുന്ന പ്ലാനാണിത്. മാത്രമല്ല 2 ജിബി ഡാറ്റയും ഇതോടൊപ്പം ലഭിക്കും.
വ്യത്യസ്ത പ്രൈസ് പോയിന്റുകളിൽ താങ്ങാനാവുന്ന നിരവധി പ്ലാനുകളാണ് ഡാറ്റ ഉപയോക്താക്കൾക്ക് ജിയോ ലഭ്യമാക്കുന്നത്. 200 രൂപ പ്രൈസ് പോയിന്റിലുള്ള 209 രൂപയുടെ പ്ലാൻ പ്രതിദിനം 1 ജിബി ഡാറ്റ 22 ദിവസത്തേക്ക് ലഭ്യമാക്കുന്നു. 300 രൂപ പ്രൈസ് പോയിന്റിലുള്ള 299 രൂപയുടെ പ്ലാൻ പ്രതിദിനം 1.5 ജിബി ഡാറ്റ 28 ദിവസത്തേക്ക് ലഭ്യമാക്കുന്നു. 350 രൂപ പ്രൈസ് പോയിന്റിലുള്ള 349 രൂപയുടെ പ്ലാനിൽ പ്രതിദിനം 2ജിബി ഡാറ്റ 28 ദിവസത്തേക്ക് ലഭ്യമാകുന്നു.
എയർടെലിന്റെയും വോഡഫോൺ ഐഡിയയുടെയും സമാന പ്ലാനുകളുമായി താരതമ്യം ചെയ്യുമ്പോൾ ജിയോ ഉപയോക്താക്കൾക്ക് പ്രതിമാസം 50 രൂപയുടെ ലാഭമാണുണ്ടാകുന്നതെന്ന് റിപ്പോർട്ട് വിശകലനം ചെയ്യുന്നുണ്ട്. പ്രതിദിനം 1.5 ജിബി ലഭ്യമാകുന്ന ജിയോയുടെ 28-ദിവസ പ്ലാനിന് ഈടാക്കുന്നത് 299 രൂപയാണ്. എന്നാൽ ഇതേ ആനുകൂല്യമുള്ള വിഐയുടെ പ്ലാനിന് ഈടാക്കുന്നത് 349 രൂപയാണ്. ഇതിലൂടെ 50 രൂപ പ്രതിമാസം ജിയോ യൂസേഴ്‌സിന് ലാഭിക്കാനാവുന്നു. ഇതിനു സമാനമാണ് പ്രതിദിനം 2 ജിബി ഡാറ്റ ലഭ്യമാകുന്ന 349 രൂപയുടെ ജിയോ പ്ലാൻ. 28 ദിവസമാണ് കാലാവധി. ഇതേ ആനുകൂല്യം ലഭിക്കുന്ന എയർടെലിന്റെ പ്ലാനിന് ഈടാക്കുന്നത് 398 രൂപയാണ്. വോഡഫോൺ ഇന്ത്യയുടേതിനാകട്ടെ 365 രൂപയും. ഇന്ത്യയിലെ ടെലികോം ഓപ്പറേറ്റർമാരിൽ ഏറ്റവും കുറഞ്ഞ നിരക്കിൽ മൂല്യവത്തായ ഓഫറുകൾ നൽകുന്നത് ജിയോയാണെന്ന് അടിവരയിടുന്നതാണ് ബിഎൻപി പാരിബയുടെ വിശകലന റിപ്പോർട്ട്.
