കണ്ണൂർ: ഗർഭിണിയായ ഭാര്യയുടെ കൺമുന്നിൽ വച്ച് കഴുത്തിൽ കയർ കുരുങ്ങി ഭർത്താവിനു ദാരുണാന്ത്യം. കണ്ണൂർ താഴേത്തെരുവിലെ ക്വാർട്ടേഴ്സിൽ താമസിക്കുന്ന സിയാദാണ് (30) മരിച്ചത്. ഇന്നലെ രാത്രിയായിരുന്നു സംഭവം. സ്റ്റൂളിൽ കയറിനിന്നു കൊളുത്തിൽ കയർ കെട്ടുമ്പോഴായിരുന്നു അപകടം. കയർ കുരുക്കുന്നതിനിടെ സ്റ്റൂൾ അബദ്ധത്തിൽ മറിയുകയായിരുന്നു, ഇതിനിടെ കഴുത്തിൽ കയർ കുടുങ്ങി സിയാദ് താഴേക്കു വീണു.
സിയാദിനെ താങ്ങി നിർത്താൻ ഭാര്യ ശ്രമിച്ചുവെങ്കിലും സാധിച്ചില്ല. മറ്റുള്ളവരെത്തി സിയാദിനെ ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല. ഗർഭിണിയായ ഭാര്യ ഫാത്തിമയുടെ കൺമുന്നിലായിരുന്നു അപകടം. ഓട്ടോ ഡ്രൈവറാണ് സിയാദ്. സലാം -സീനത്ത് ദമ്പതികളുടെ മകനാണ്. മക്കൾ: ആസിയ, സിയ. സംസ്കാരം സിറ്റി ജുമാ അത്ത് പള്ളിയിൽ.
Related Post
