പത്തനംതിട്ട: പത്തനംതിട്ടയിൽ 61കാരിയെ തീകൊളുത്തി കൊലപ്പെടുത്താൻ പോലീസുകാരന്റെ ഭാര്യ ശ്രമിച്ച കേസിൽ കൂടുതൽ വിവരങ്ങൾ പുറത്ത്. കോയിപ്രം സ്റ്റേഷനിലെ സിവിൽ പോലീസ് ഉദ്യോഗസ്ഥന്റെ ഭാര്യ സുമയ്യയെ ഇതിന് പ്രേരിപ്പിച്ചത് കടുത്ത സാമ്പത്തിക പ്രതിസന്ധിയാണെന്ന് പോലീസ്.
സുമയ്യ ഭർത്താവുപോലുമറിയാതെ ഓഹരി ട്രേഡിങ്ങിലേക്കിറങ്ങിയതോടെ 40 ലക്ഷത്തിലേറെ നഷ്ടമുണ്ടായി. ഇത് തീർക്കാനായി ഓൺലൈൻ ആപ്പുകളിൽ നിന്ന് വായ്പയെടുത്തുവെന്നും പോലീസ് കണ്ടെത്തി.
ഇതിവിടെ മൂന്നുദിവസം മുമ്പ് ഒരു ലക്ഷം രൂപ ലതയോട് വായ്പ ചോദിച്ചിരുന്നു. ഇത് നൽകാതെ വന്നതിനെ തുടർന്ന് മാലയും വളകളും പണയം വെക്കാൻ ആവശ്യപ്പെട്ടു. ഇതും വിസമ്മതിച്ചതോടെ വീട്ടിൽ അതിക്രമിച്ചു കയറി ആഭരണങ്ങൾ കവർന്നശേഷം വീടിന് തീ കൊളുത്തുകയായിരുന്നു. അതേസമയംസ്വർണാഭരണങ്ങൾ കണ്ടെടുക്കാൻ ഇന്ന് പോലീസ് ക്വാർട്ടേഴ്സിൽ പരിശോധന നടത്തും.
Related Post
