ദാമ്പത്യ പ്രശ്നങ്ങൾ എങ്ങനെയെങ്കിലും രമ്യതയിൽ പരിഹരിക്കാൻ റഷ്യക്കാരനായ യുവാവ് തന്റെ പ്രണയ സമ്മാനമായി ഭാര്യയ്ക്ക് നൽകിയത് ഒരു കോടിയിലേറെ രൂപ വരുന്ന പോർഷെ ആഡംബരക്കാർ. എന്നാൽ യുവതി നിരസിച്ചതോടെ കുപ്പത്തൊട്ടിയിൽ തള്ളി യുവാവ് തന്റെ കലിയടക്കി.
ഒരു വലിയ കുപ്പ തൊട്ടിയിൽ കിടക്കുന്ന പോർഷെ കാറിന്റെ ചിത്രമാണ് സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. റഷ്യയിൽ നിന്നുള്ള യുവാവിന്റെ പ്രണയ സമ്മാനമായിരുന്നു ചുവന്ന റിബ്ബൺ കൊണ്ടി കെട്ടിയ ആ പോർഷെ കാർ. ഒരു കോടിയലധികം വില വരുന്ന ആഡംബര വാഹനമായ പോർഷെ മക്കാൻ ആണ് യുവാവ് ഭാര്യയ്ക്ക് സമ്മാനമായി നൽകിയത്. എന്നാൽ ഭാര്യ ആ സമ്മാനം നിരസിക്കുകയായിരുന്നു. അതോടെ യുവാവ് വാഹനം കുപ്പയിൽ തള്ളിയാണ് ദേഷ്യം പ്രകടിപ്പിച്ചത്. മോസ്‌കോയിലാണ് സംഭവം.
Related Post
തങ്ങൾക്കിടയിലുണ്ടായിരുന്ന പ്രശ്നം പരിഹരിക്കുന്നതിന്റെ ഭാഗമായാണ് യുവാവ് ഭാര്യയ്ക്ക് ഇത്ര വിലയേറിയ പോർഷെ കാർ സമ്മാനമായി നൽകിയതെന്നും സമ്മാനം അപമാനമായി തോന്നിയതോടെയാണ് ഭാര്യ നിരസിച്ചതെന്നുമാണ് റിപ്പോർട്ട്. പിന്നാലെയാണ് യുവാവ് കാർ കുപ്പയിൽ തള്ളിയത്.
കാർ ഏകദേശം 12 ദിവസത്തോളം കുപ്പയിൽ കാർ കിടന്നുവെന്നാണ് വിവരം. ഇതോടുകൂടി കാറിന് കേടുപാടുകൾ സംഭവിച്ചിട്ടുണ്ട്. ഈ കാർ ഇനി എന്താണ് ചെയ്യാൻ പോകുന്നതെന്ന് ഇതുവരെ ചിന്തിച്ചിട്ടില്ലെന്നും യുവാവ് പറയുന്നു. പോസ്റ്റിന് താഴെ നിരവധി പേരാണ്ക മന്റുകളുമായിട്ടെത്തിയത്. വിമർശനങ്ങളായും സഹതാപത്തോടെയുമുള്ള കമന്റുകളാണ് പോസ്റ്റിന് താഴെയെത്തിയത്.
Russian man throws away Porsche Macan after his loved one rejected it as a present for the Valentine’s Day pic.twitter.com/F4EHguIgNE
— RT (@RT_com) February 26, 2025
