ഈ വ്യവസ്ഥകളൊക്കെ അം​ഗീകരിക്കാനാവുന്നില്ലെങ്കിൽ ഒരു ഭരണമാറ്റത്തിന് തയാറായിക്കോ…താലിബാന് പാക്കിസ്ഥാന്റെ അന്ത്യശാസനം!! പാക്കിസ്ഥാന്റെ സന്ദേശം താലിബാന് കൈമാറിയത് തുർക്കി… വ്യവസ്ഥകൾ ഇതൊക്കെ…

ഇസ്‌ലാമാബാദ്: തങ്ങൾ പറയുന്ന വ്യവസ്‌ഥകൾ അംഗീകരിക്കാൻ വിസമ്മതിക്കുന്നപക്ഷം ഭരണമാറ്റത്തിനുള്ള പ്രചാരണം നേരിടാൻ തയാറായിക്കൊള്ളാൻ അഫ്‌ഗാനിസ്ഥാനിലെ താലിബാൻ ഭരണകൂടത്തിന് പാക്കിസ്ഥാന്റെ അന്ത്യശാസനം. തുർക്കിയാണ് പാക്കിസ്ഥാന്റെ സന്ദേശം താലിബാന് കൈമാറിയയത്.

പാക്കിസ്ഥാന്റെ വ്യവസ്ഥകൾ ഇതൊക്കെ-
തെഹ്‌രികെ താലിബാൻ പാക്കിസ്ഥാനെതിരെ (ടിടിപി) കർശന നടപടി സ്വീകരിക്കുക, തീവ്ര ടിടിപി ഭീകരരെ പാക്കിസ്‌ഥാന് കൈമാറുക, തർക്കമുള്ള അതിർത്തി മേഖലയായ ഡ്യൂറൻഡ് രേഖയിൽ സംഘർഷം വ്യാപിപ്പിക്കില്ലെന്ന് ഉറപ്പുനൽകുക, അതിർത്തി കടന്നുള്ള ഭീകരവാദം തടയാൻ ബഫർ സോൺ സ്‌ഥാപിക്കുക, വ്യാപാരവും ഉഭയകക്ഷി സഹകരണവും സാധാരണ നിലയിലാക്കുക. വ്യവസ്‌ഥകൾ അംഗീകരിക്കുക അല്ലെങ്കിൽ ഭരണമാറ്റത്തിനുള്ള പ്രചാരണം നേരിടാൻ തയാറായിക്കൊള്ളാൻ അഫ്‌ഗാനിസ്‌ഥാനിലെ താലിബാൻ ഭരണകൂടത്തിന് പാക്കിസ്‌ഥാൻ മുന്നറിയിപ്പ് നൽകിയിട്ടുണ്ടെന്ന് ഉന്നതവൃത്തങ്ങൾ വ്യക്‌തമാക്കി.

അതേസമയം 2021 ലെ ഭരണമാറ്റത്തിനു ശേഷമുണ്ടായ ഏറ്റവും രൂക്ഷമായ സംഘർഷത്തെ തുടർന്ന് തുർക്കിയുടെ മധ്യസ്‌ഥതയിൽ പാക്കിസ്ഥാനും അഫ്‌ഗാനിസ്ഥാനും തമ്മിൽ പല തവണ കൂടിക്കാഴ്‌ചകൾ നടത്തിയെങ്കിലും വ്യവസ്‌ഥകളിൽ ധാരണയാകാത്തതിനെ തുടർന്ന് ചർച്ചകൾ വഴിമുട്ടിയ നിലയിലാണ്. ആശങ്കകൾ പരിഹരിക്കാൻ താലിബാൻ വിസമ്മതിക്കുന്നതാണ് പ്രശ്നപരിഹാരത്തിന് തടസമെന്നാണ് പാകിസ്ഥാന്റെ ആരോപണം.

Related Post

ദുബായ് എയർ ഷോയിലെ തൻ്റെ പ്രകടനം ടിവിയിലോ യൂട്യൂബിലോ കിട്ടുമെന്ന് മകൻ, എയർ ഷോയിലെ അഭ്യാസപ്രകടനം കാണാൻ യൂട്യൂബ് തുറന്ന പിതാവ് കണ്ടത് മകന്റെ അപകട വാർത്ത!! ‘നിമിഷങ്ങൾക്കുള്ളിൽ കുറഞ്ഞത് ആറ് വ്യോമസേനാ ഉദ്യോഗസ്ഥർ ഞങ്ങളുടെ വീട്ടിൽ എത്തി, എന്റെ മകന് എന്തോ മോശം സംഭവിച്ചതായി എനിക്ക് മനസിലായി’…

November 22, 2025

ഹെല്‍മറ്റ് താഴെ എടുത്തുവച്ചെന്ന് പറഞ്ഞ് ശ്വാസം മുട്ടിച്ച് കൊല്ലാന്‍ ശ്രമിച്ചു, ബെല്‍റ്റ് കൊണ്ടും ഷൂ കൊണ്ടും പൊതിരെ തല്ലും, മുറിപ്പാടുകള്‍ ഫോട്ടോയെടുത്തുവച്ച് കണ്ട് രസിക്കും, തെരുവുനായക്കും പൂച്ചയ്ക്കും ഇത്രയും അടി കിട്ടിയിട്ടുണ്ടാവില്ലെന്ന് കളിയാക്കലും, മുറിയില്‍ പൂട്ടിയിട്ട് മര്‍ദിച്ചത് അഞ്ച് വര്‍ഷം, യുവമോർച്ച ജില്ലാ സെക്രട്ടറിക്കെതിരെ യുവതിയുടെ വെളിപ്പെടുത്തല്‍

November 22, 2025

ഡിസംബർ 6 ന് ബാബറി മസ്ജിദിന് തറക്കല്ലിടും, മൂന്നുവർഷം കൊണ്ട് പള്ളി പണിയും!! എംഎൽഎ എന്ന നിലയിൽ അല്ല, മറിച്ച് വിശ്വാസികളായ മുസ്ലിം എന്ന നിലയിൽ സിദ്ധിഖിയെ ചടങ്ങിലേക്ക് ക്ഷണിക്കുന്നു… തൃണമൂൽ കോൺഗ്രസ് എംഎൽഎയുടെ അവകാശവാദം വിവാദത്തിൽ, മുസ്ലിം വോട്ടിനായുള്ള തൃണമൂൽ കോൺഗ്രസിന്റെ നീക്കം- ബിജെപി

November 22, 2025

ട്രെയിനില്‍ ഇലക്ട്രിക് കെറ്റില്‍ ഉപയോഗിച്ച് ന്യൂഡില്‍സ് പാകം ചെയ്തു, മഹാരാഷ്ട്ര സ്വദേശിനിക്കെതിരെ നടപടിയുമായി റെയില്‍വേ, വീഡിയോ പോസ്റ്റ് ചെയ്ത യുട്യൂബ് ചാനലിനെതിരെയും നടപടി

November 22, 2025

2021 ൽ അഫ്‌ഗാനിസ്ഥാന്റെ ഭരണം താലിബാൻ പിടിച്ച ശേഷമാണ് പാക്കിസ്‌ഥാനുമായുള്ള ബന്ധത്തിൽ ഉലച്ചിലുണ്ടായത്. അതിർത്തിയിൽ സംഘർഷം രൂക്ഷമായതോടെ അഫ്‌ഗാനിസ്ഥാനിൽ പാക്കിസ്‌ഥാൻ വ്യോമാക്രമണം നടത്തുകയും ചെയ്തു. ഇതേ തുടർന്ന് അഫ്‌ഗാൻ സേനയും തിരിച്ചടിച്ചു. ഏറ്റുമുട്ടലിൽ നിരവധി പേർ കൊല്ലപ്പെടുകയും നൂറുകണക്കിന് ആളുകൾക്ക് പരുക്കേൽക്കുകയും ചെയ്തു. പാക്കിസ്ഥാനെ എതിർക്കുകയും പതിവായി ആക്രമണങ്ങൾ നടത്തുകയും ചെയ്യുന്ന തെഹ്‌രികെ താലിബാൻ പാക്കിസ്ഥാനെതിരെ (ടിടിപി) നടപടിയെടുക്കാൻ താലിബാൻ സ്ഥിരമായി വിസമ്മതിക്കുകയാണെന്ന് പാക്കിസ്‌ഥാൻ ആരോപിച്ചു.

അഫ്‌ഗാൻ മുൻ പ്രസിഡന്റുമാരായ ഹമീദ് കർസായി, അഷ്‌റഫ് ഗനി, നോർത്തേൺ റെസിസ്റ്റൻസ് ഫ്രന്റ് നേതാവ് അഹമ്മദ് മസൂദ്, മുൻ വൈസ് പ്രസിഡന്റ് അബ്ദുൽ റഷീദ് ദോസ്തം, അഫ്ഗാനിസ്ഥാൻ ഫ്രീഡം ഫ്രണ്ട് നേതാക്കൾ തുടങ്ങി പ്രമുഖരായ നിരവധി അഫ്ഗാൻ ജനാധിപത്യ, പ്രതിപക്ഷ നേതാക്കളുമായി പാക്കിസ്‌ഥാൻ രഹസ്യാന്വേഷണ വിഭാഗം ആശയവിനിമയം നടത്തിയെന്നാണ് പുറത്തുവന്ന റിപ്പോർട്ട്. താലിബാനെ പതിറ്റാണ്ടുകളായി പിന്തുണച്ചിരുന്ന പാക്കിസ്‌ഥാൻ അഫ്‌ഗാനിൽ ഭരണം തിരിച്ചുപിടിക്കുന്നതിനും അവർക്ക് സജീവമായി സഹായങ്ങൾ നൽകിയിരുന്നു. താലിബാൻ ഇന്ത്യയുമായി ബന്ധം സ്ഥാപിക്കാൻ ശ്രമിച്ചത് പാക്കിസ്ഥാന്റെ നിലപാടുമാറ്റത്തിനു പിന്നിലുണ്ടെന്നാണ് വിലയിരുത്തൽ.

വീട്ടുവളപ്പില്‍ ചാക്കുകൊണ്ട് മൂടിയ നിലയില്‍ സ്ത്രീയുടെ മൃതദേഹം, സമീപത്ത് ചാരിക്കിടന്ന് വീട്ടുടമ, ജോര്‍ജ് പുലര്‍ച്ചെ ചാക്ക് അന്വേഷിച്ച് വന്നിരുന്നതായി അയല്‍വാസികള്‍, ചത്ത നായയെ മൂടാനാണെന്ന് വിശദീകരണം