Related Post
അബുദാബി: കേരളത്തില്‍നിന്ന് യുഎഇയിലേക്കുള്ള പ്രവാസി യാത്രക്കാര്‍ക്ക് ഇത് ഒരു സന്തോഷ വാര്‍ത്ത. കേരളത്തില്‍നിന്ന് റാസ് അല്‍ ഖൈമയിലേക്ക് ഇന്‍ഡിഗോ എയര്‍ലൈന്‍സ് നേരിട്ടുള്ള സര്‍വീസുകള്‍ പ്രഖ്യാപിച്ചു. കൊച്ചിയില്‍നിന്ന് റാസ് അല്‍ ഖൈമയിലേക്ക് നേരിട്ടുള്ള സര്‍വീസുകളാണ് ആരംഭിക്കുന്നത്. മാര്‍ച്ച് 15 മുതലാണ് ഇന്‍ഡിഗോ കൊച്ചിയില്‍നിന്ന് റാസ് അല്‍ ഖൈമയിലേക്ക് നേരിട്ട് സര്‍വീസ് നടത്തുക.
പുതിയ സര്‍വീസുകള്‍ വരുന്നതോടെ ഇന്‍ഡിഗോയുടെ കേരളത്തില്‍നിന്ന് യുഎഇയിലേക്ക് നേരിട്ടുള്ള സര്‍വീസുകളുടെ എണ്ണം ആഴ്ചയില്‍ 49 ആകും. ഇന്ത്യയ്ക്കും യുഎഇയ്ക്കുമിടയില്‍ ആകെ 250 പ്രതിവാര സര്‍വീസുകളാണ് ഇന്‍ഡിഗോ നടത്തുന്നത്. യാത്രക്കാര്‍ക്ക് ഇന്‍ഡിഗോയുടെ വെബ്സൈറ്റ് സന്ദര്‍ശിച്ചോ മൊബൈല്‍ ആപ്ലിക്കേഷന്‍ വഴിയോ ടിക്കറ്റുകള്‍ ബുക്ക് ചെയ്യാവുന്നതാണെന്ന് അധികൃതര്‍ അറിയിച്ചു.
