കൊല്ലം: കൊല്ലത്ത് വയോധികയ്ക്കുനേരെ ലൈംഗികാതിക്രമം. സംഭവത്തിൽ പ്രതിയെ പൊലീസ് പിടികൂടി. മീയണ്ണൂർ സ്വദേശി സ്വദേശി അനൂജാണ് പിടിയിലായത്. ക്ഷേത്രത്തിൽ പോയശേഷം വീട്ടിലേക്ക് മടങ്ങിയ 65കാരിയാണ് രാവിലെ ലൈംഗികാതിക്രമത്തിന് ഇരയായത്. കണ്ണനല്ലൂർ പൊലീസ് സ്റ്റേഷൻ പരിധിയിൽ വെച്ചായിരുന്നു സംഭവം.
ക്ഷേത്ര ദർശനം കഴിഞ്ഞ് വീട്ടിലേക്കുള്ള വഴിയിലൂടെ പോകുന്നതിനിടെ വയോധികയെ യുവാവ് പിന്തുടരുകയായിരുന്നു. തുടർന്ന് ലൈംഗികാതിക്രമം നടത്തുകയായിരുന്നു. സംഭവത്തിൽ കേസെടുത്ത പൊലീസ് രക്ഷപ്പെട്ട പ്രതിക്കായി അന്വേഷണം ആരംഭിക്കുകയായിരുന്നു. തുടർന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്.
Related Post
