Related Post
കുവൈത്ത് സിറ്റി: ഇന്ത്യക്കാരനായ പ്രവാസി യുവാവ് കുവൈത്തില് മരിച്ചു. ചെന്നൈ തിരുവോർക്കാട് കോ-ഓപ്പറേറ്റീവ് നഗറിലെ തെക്കേക്കര വീട്ടിൽ എഡ്വിൻ ഡൊമിനി (27) ആണ് മരിച്ചത്. ജിമ്മിലെ വ്യായാമത്തിനുശേഷം സ്വിമ്മിങ് പൂളിൽ നീന്തുന്നതിനിടെ ശ്വാസതടസമുണ്ടായി മരിച്ചതായാണ് പ്രാഥമിക റിപ്പോർട്ട്. ബുധനാഴ്ച മംഗഫിൽ വെച്ചാണ് സംഭവം.
അൽ – മീർ ടെക്നിക്കൽ സർവീസ് കമ്പനിയിലെ എൻജീനിയറായി ജോലി ചെയ്തുവരികയായിരുന്നു എഡ്വിൻ. ഒരു വർഷം മുൻപാണ് കുവൈത്തിലെത്തിയത്. പിതാവ്: ഡൊമിനി ജോൺ (ബെൻടെക് ഓട്ടോ മിഷൻ) മാതാവ്: ഡോ. എൽ.സി. മൃതശരീരം വെള്ളിയാഴ്ച (ഇന്ന്) ഉച്ചയ്ക്ക് ഒരു മണിക്ക് സബാ മോർച്ചറിയിൽ പൊതുദർശനത്തിന് വയ്ക്കും. ഇന്ന് വൈകുന്നേരം ചെന്നൈയിലേക്ക് കൊണ്ടുപോകും.
