ന്യൂഡൽഹി: സ്ത്രീധന നിരോധന നിയമം ഭർത്താവിനും ഭർത്താവിൻറെ കുടുംബത്തിനുമെതിരെയുള്ള വ്യക്തി വൈരാഗ്യം തീർക്കാനായി ഉപയോഗിക്കരുതെന്ന് സുപ്രീംകോടതി. ഇത്തരം നിയമങ്ങൾ വ്യക്തിപരമായ പകപോക്കലിന് ഉപയോഗിക്കുന്നുവെന്നും ഭർത്താവിനും ഭർത്താവിൻറെ കുടുംബാങ്ങൾക്കും എതിരെ ഇതിലൂടെ കള്ള കേസുകൾ നൽകുന്നുവെന്നും സുപ്രീംകോടതി നിരീക്ഷിച്ചു.
പ്രതികാരമായി നിയമം ഉപയോഗിക്കുന്നതിനെതിരെ ജാഗ്രത വേണം. സ്ത്രീകൾക്ക് നീതി ഉറപ്പാക്കാനാണ് നിയമം. അത് അനീതിക്കായി ഉപയോഗിക്കരുതെന്നും സുപ്രീം കോടതി വ്യക്തമാക്കി. ജസ്റ്റീസ് ബി.വി. നാഗരത്ന അധ്യക്ഷയായ ബെഞ്ചിൻറെയാണ് ഉത്തരവ്.
ഗാർഹിക തർക്കങ്ങൾ സംബന്ധിയായ കേസുകൾ രാജ്യത്ത് വലിയ രീതിയിലാണ് വർധിച്ചിരിക്കുന്നത്. കൃത്യമായ തെളിവുകൾ ഇല്ലാതെ വ്യാപകമായ രീതിയിൽ ഭർത്താവിൻറെ കുടുംബാംഗങ്ങൾക്കെതിരായ നിലയിൽ നിയമത്തിൻറെ സാധ്യതകൾ ഉപയോഗിക്കുന്നത് അനുവദിക്കാനാവില്ല. ഇത്തരം കേസുകൾ ശ്രദ്ധയിൽ വന്നാൽ തള്ളിക്കളയണമെന്നും കീഴ്ക്കോടതികളോട് സുപ്രീം കോടതി നിർദ്ദേശിച്ചു.
Related Post
