ഒടിയനില്‍ ലാലേട്ടന് മാത്രമല്ല ചെറുപ്പക്കാരനായിട്ട് വരുന്നത്, കിടിലന്‍ മേക്കോവറില്‍ മഞ്ജുവും എത്തും: അവസാന ഷെഡ്യൂള്‍ ഫെബ്രുവരിയില്‍

വിഎ ശ്രീകുമാര്‍ സംവിധാനം ചെയ്യുന്ന ഒടിയന് വേണ്ടി മോഹന്‍ ലാല്‍ നടത്തിയ മേക്കോവര്‍ ഏറെ വാര്‍ത്തകള്‍ സൃഷ്ടിച്ചിരുന്നു. ചിത്രത്തെ കുറിച്ച് മറ്റൊരു വാര്‍ത്ത കൂടി പുറത്തുവന്നിരിക്കുകയാണ്. ഒടിയനില്‍ മോഹന്‍ലാലിനൊപ്പം നായികയായി എത്തുന്നത് മഞ്ജു വാര്യര്‍ ആണ്. വില്ലന് ശേഷം ഇരുവരും ഒന്നിക്കുന്ന ചിത്രം കൂടിയാണ് ഒടിയന്‍. ചിത്രത്തിന് വേണ്ടി 18 കിലോ കുറച്ചിരിക്കുകയാണ് മോഹന്‍ ലാല്‍. അതുപോലെ ചിത്രത്തിലെ മഞ്ജുവാര്യരുടെ കഥാപാത്രത്തിനും ചില മേക്കോവര്‍ ആവശ്യമായി വരുമെന്ന വാര്‍ത്തയാണ് പുറത്തുവന്നിരിക്കുന്നത്.

കഥാപാത്രത്തിന്റെ മൂന്ന് വ്യത്യസ്ത കാലഘട്ടങ്ങളെയാണ് മഞ്ജുവും ഒടിയനില്‍ അവതരിപ്പിക്കുന്നത്. മഞ്ജുവിന്റെ കഥാപാത്രത്തെ ചുറ്റിപ്പറ്റിയാണ് മോഹന്‍ ലാലിന്റെയും പ്രകാശ് രാജിന്റെയും കഥാപാത്രത്തിന്റെ നിലനില്‍പ്പ് എന്നാണ് ശ്രീകുമാര്‍ വ്യക്തമാക്കുന്നത്. ഇരുപതുകളുടെ അവസാനത്തില്‍ തുടങ്ങി, 35 വയസ്സും പിന്നിട്ട് അന്‍പതുകളിലുള്ള രൂപമാറ്റം മഞ്ജുവിനും ആവശ്യമാണെന്നാണ് അണിയറയില്‍ നിന്നുമുള്ള വാര്‍ത്ത. മലയാള സിനിമ കണ്ട ഏറ്റവും ശക്തമായ കഥാപാത്രത്തെയായിരിക്കും മഞ്ജു ഒടിയനില്‍ അവതരിപ്പിക്കുക.

വെല്ലുവിളികളെക്കാള്‍ ത്രില്ലിങ് ആയ അനുഭവമായിരിക്കും ഒടിയന്‍ സമ്മാനിക്കുക എന്നാണ് മഞ്ജു ചിത്രത്തെ കുറിച്ച് പറയുന്നത്. ഇതേ അനുഭവം ലാലേട്ടനും ഉണ്ടായതിനാലാണ് ചിത്രത്തിന് വേണ്ടി അതികഠിനമായ മേക്കോവര്‍ നടത്തിയതെന്നാണ് മഞ്ജു പറയുന്നത്. ഇങ്ങനെയൊരു ചിത്രത്തില്‍ ലാലേട്ടനൊപ്പം അഭിനയിക്കുക എന്നത് ഏതൊരു നടിയുടെയും സ്വപ്നം തന്നെയായിരിക്കുമെന്നും മഞ്ജു പറഞ്ഞു.

ഫെബ്രുവരി പകുതിയോടെ ചിത്രത്തിന്റെ അവസാന ഷെഡ്യൂള്‍ ആരംഭിക്കും. കഥാപാത്രങ്ങളുടെ ചെറുപ്പ കാലഘട്ടമാണ് ഇനി ചിത്രീകരിക്കാനുള്ളത്. മോഹന്‍ലാല്‍, മഞ്ജു വാര്യര്‍, പ്രകാശ് രാജ് എന്നിവര്‍ക്കൊപ്പം സിദ്ദിഖ്, ഇന്നസെന്റ്, നരേന്‍, സനാ അല്‍ത്താഫ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.

Similar Articles

Comments

Advertisment

Most Popular

ബൃന്ദാ മാസ്റ്റർ സംവിധാനം ചെയ്യുന്ന പാൻ ഇന്ത്യൻ ആക്ഷൻ ചിത്രം തഗ്സിന്റെ ട്രെയിലർ റിലീസായി

പ്രേക്ഷകരിൽ ആകാംക്ഷയും ഉദ്വേഗവും ഉണർത്തി പ്രശസ്ത കൊറിയോഗ്രാഫർ ബ്രിന്ദാ മാസ്റ്റർ സംവിധാനം ചെയ്ത തഗ്‌സിന്റെ ട്രൈലെർ റിലീസായി. ആക്ഷൻ രംഗങ്ങൾ കൊണ്ട് സമ്പൂർണമായ ട്രെയ്ലർ ദുൽഖർ സൽമാൻ, വിജയ് സേതുപതി, കീർത്തി സുരേഷ്...

ധോണി എന്റർടെയ്ൻമെന്റിന്റെ ആദ്യ ചിത്രമായ ‘എൽ.ജി.എം’ ചിത്രീകരണം ആരംഭിച്ചു !

സാക്ഷിയും മഹേന്ദ്ര സിംഗ് ധോണിയുടെ പ്രൊഡക്ഷൻ ഹൗസായ ധോണി എന്റർടെയ്ൻമെന്റും ചേർന്ന് നിർമ്മിക്കുന്ന 'എൽ.ജി.എം' ന്റെ ചിത്രീകരണം ഇന്ന് മുതൽ ആരംഭിച്ചു, ഇന്ന് ചെന്നൈയിൽ വെച്ച് പൂജാ ചടങ്ങുകളോടെ ആയിരുന്നു ചിത്രീകരണത്തിന്...

ഇരട്ട: പ്രൊമോ സോങ് റിലീസായി

പ്രേക്ഷകരെ ആകാംഷയുടെ മുൾമുനയിൽ നിർത്തിയാണ് മാർട്ടിൻ പ്രക്കാട്ടും ജോജു ജോർജും ഒന്നിക്കുന്ന ഇരട്ടയുടെ ട്രൈലെർ റിലീസായത്. ഇപ്പോൾ ചിത്രത്തിന്റെ റിലീസ് ഫെബ്രുവരി മൂന്നിന് പ്രഖ്യാപിച്ചുകൊണ്ടുള്ള പ്രൊമോ സോങ് ആണ് റിലീസായിരിക്കുന്നത്‌. മലയാളിക്ക് പ്രിയപ്പെട്ട...