അസുഖബാധിതയായ അമ്മയെ പരിചരിക്കാന്‍ സമയമില്ലാത്തതിനെ തുടര്‍ന്ന് ടെറസില്‍ നിന്ന് തള്ളിയിട്ടു കൊന്ന മകന്‍ അറസ്റ്റില്‍

രാജ്കോട്ട്: പ്രായാധിക്യത്തെ തുടര്‍ന്ന് അസുഖബാധിതയായ അമ്മയെ പരിചരിക്കാന്‍ സമയമില്ലാത്തതിനെ തുടര്‍ന്ന് ടെറസില്‍ നിന്ന് തള്ളിയിട്ടുകൊന്ന മകന്‍ അറസ്റ്റില്‍. രാജ്കോട്ടിലെ ഫാര്‍മസി കോളേജ് അധ്യാപകനായ സന്ദീപ് നാഥ്വാനി ആണ് അമ്മയായ ജയശ്രീബെന്നിനെ ടെറസ്സില്‍ നിന്ന് തള്ളിയിട്ട് കൊന്നത്. കഴിഞ്ഞ വര്‍ഷം സെപ്റ്റംബര്‍ 27ന് ഗുജറാത്തിലെ രാജ്‌കോട്ടിലായിരുന്നു കേസിനാസ്പദമായ സംഭവം.

ബാല്‍ക്കണിയില്‍ ഇരുന്ന അമ്മ കാല്‍വഴുതി താഴേക്ക് വീഴുകയായിരുന്നുവെന്നാണ് ആദ്യം ഇയാള്‍ പൊലീസില്‍ മൊഴി നല്‍കിയത്. എന്നാല്‍ പിന്നീട് നടന്ന വിശദമായ അന്വേഷണത്തില്‍ ആണ് കൊലപാതകമാണെന്ന് പൊലീസ് കണ്ടെത്തുകയായിരിന്നു.

പ്രായാധിക്യം കാരണം അസുഖബാധിതയായിരുന്നു അമ്മയെന്നും, പരിചരിക്കാന്‍ സമയമില്ലാത്തതിനാലാണ് ഇത് ചെയ്തതെന്നും സന്ദീപ് നഥ്വാനി പൊലീസിന് മൊഴി നല്‍കി.

അപ്പാര്‍ട്ട്മെന്റില്‍ സ്ഥാപിച്ചിരുന്ന നിരീക്ഷണ ക്യാമറയിലെ ദ്യശ്യങ്ങളുടെ അടിസ്ഥാനത്തിലാണ് ഇയാളെ പൊലീസ് ചോദ്യം ചെയ്തത്. ആദ്യം നിഷേധിച്ചെങ്കിലും പിന്നീട് ഇയാള്‍ കുറ്റം സമ്മതിക്കുകയായിരുന്നു. വയസ്സായ അമ്മയെ ഇത്രയും നാളും സംരക്ഷിച്ചത് താനാണെന്നും ഇനിയും അമ്മയെ നോക്കാന്‍ കഴിയില്ലെന്നും ഇയാള്‍ പൊലീസിനോട് പറഞ്ഞു. ഇക്കാരണങ്ങള്‍ കൊണ്ടാണ് അമ്മയെ കൊന്നുകളയാന്‍ തീരുമാനിച്ചത് എന്ന് പ്രതി കുറ്റ സമ്മതം നടത്തിയെന്ന് അന്വേഷണ ഉദ്യോഗസ്ഥനായ വഗേല മാധ്യമങ്ങളെ അറിയിച്ചു.

Similar Articles

Comments

Advertisment

Most Popular

“പ്രാവ്” : ടൈറ്റിൽ പോസ്റ്റർ പ്രകാശനം നിർവഹിച്ച് മെഗാ സ്റ്റാർ മമ്മൂട്ടി

കഥകളുടെ ഗന്ധർവ്വൻ .പി. പത്മരാജന്റെ ചെറുകഥയെ ആസ്പദമാക്കി നവാസ് അലി രചനയും സംവിധാനവും നിർവഹിക്കുന്ന പുതിയ ചിത്രം "പ്രാവ് "ന്റെ ടൈറ്റിൽ പോസ്റ്റർ മെഗാസ്റ്റാർ മമ്മൂട്ടി പ്രകാശനം നിർവഹിച്ചു. സെറ്റ് സിനിമയുടെ ബാനറിൽ...

മെസ്സി പെനല്‍റ്റി പാഴാക്കിയ മത്സരത്തില്‍ ഇരട്ട ഗോളുകള്‍ക്കു തകര്‍ത്ത് പ്രീക്വാര്‍ട്ടര്‍ ഉറപ്പിച്ച് അര്‍ജന്റീന

ദോഹ: സൂപ്പര്‍ താരം ലയണല്‍ മെസ്സി പെനല്‍റ്റി പാഴാക്കിയ മത്സരത്തില്‍ പോളണ്ടിനെ ഇരട്ട ഗോളുകള്‍ക്കു തകര്‍ത്ത് പ്രീക്വാര്‍ട്ടര്‍ ഉറപ്പിച്ച് അര്‍ജന്റീന. അലെക്‌സിസ് മാക് അലിസ്റ്റര്‍ (47–ാം മിനിറ്റ്), ജുലിയന്‍ അല്‍വാരെസ് (67')എന്നിവരാണ്...

11 വര്‍ഷം മുമ്പ് പങ്കാളിയേയും കുഞ്ഞിനേയും കടലില്‍ തള്ളിയിട്ട് കൊല; മാഹീന്‍കണ്ണിന്റെ ഭാര്യ റുക്കിയെയും അറസ്റ്റ് ചെയ്തു ; കേസില്‍ വഴിത്തിരിവായത് ദിവ്യയുടെ സഹോദരിയുടെ വരവ്

തിരുവനന്തപുരം: പങ്കാളിയേയും കുഞ്ഞിനേയും കടലില്‍ തള്ളിയിട്ട് കൊലപ്പെടുത്തിയ കേസിലെ മുഖ്യപ്രതി പൂവാര്‍ മണ്ണാന്‍വിളാകം മാഹീന്‍മന്‍സിലില്‍ മാഹീന്‍കണ്ണിന്റെ(43) ഭാര്യ റുക്കിയ(38)യേയും അറസ്റ്റ് ചെയ്തു. ഇവരെ കാട്ടാക്കട കോടതിയില്‍ ഹാജരാക്കി റിമാന്‍ഡ് ചെയ്തു. മാഹീനെതിരേ കൊലപാതകവും റുക്കിയക്കെതിരേ...