സുശാന്തിന്റെ അക്കൗണ്ടില്‍ നിന്ന് പണം പോയത് റിയയുടെ സഹോദരന്റെ അക്കൗണ്ടിലേയ്ക്ക്; ഇഡിയ്ക്ക് ലഭിച്ചത് ഞെട്ടിക്കുന്ന വിവരങ്ങള്‍

മുംബൈ: നടന്‍ സുശാന്ത് സിങ് രാജ്പുത്തിന്റെ മരണം സംബന്ധിച്ച വിവാദങ്ങളും കേസ് അന്വേഷണങ്ങളും ബോളിവുഡ് െ്രെകം ത്രില്ലറിനു സമാനമായ ട്വിസ്റ്റുകളുമായി മുന്നോട്ട്. സുശാന്തിന്റെ ബാങ്ക് അക്കൗണ്ട് പരിശോധിച്ച എന്‍ഫോഴ്‌സ്‌മെന്റ് ഡയറക്ടറേറ്റിനു (ഇഡി) ലഭിച്ചത് ഞെട്ടിക്കുന്ന വിവരങ്ങള്‍. അക്കൗണ്ടിലെ 4.64 കോടി രൂപ 90 ദിവസത്തിനിടെ 1.4 കോടിയായി കുറഞ്ഞെന്നാണ് കണ്ടെത്തല്‍.

സുശാന്തിന്റെ പിതാവ് ആരോപിക്കുന്നതുപോലൈ കാമുകി റിയ ചക്രവര്‍ത്തിയുടെയും കുടുംബാംഗങ്ങളുടെയും ആവശ്യങ്ങള്‍ക്കായാണു വലിയ തുക പിന്‍വലിച്ചിരിക്കുന്നതെന്നും സൂചനയുണ്ട്. റിയയുടെ സഹോദരന്‍ ഷൊവീക്കിന്റെ അക്കൗണ്ടിലേക്കാണ് പലപ്പോഴും പണം ട്രാന്‍സ്ഫര്‍ ചെയ്തിരിക്കുന്നത്. റിയയുടെയും ബന്ധുക്കളുടെയും വിമാന ടിക്കറ്റുകള്‍, പഞ്ചനക്ഷത്ര ഹോട്ടലുകളിലെ താമസം, ഷോപ്പിങ്, മേക്കപ്പ് തുടങ്ങിയ ആവശ്യങ്ങള്‍ക്കു പണമെടുത്തതായും കാണുന്നു. ജിഎസ്ടി ഇനത്തില്‍ തന്നെ ഒന്നരക്കോടി രൂപ അടച്ചിട്ടുണ്ട്. റിയയ്‌ക്കെതിരെ സാമ്പത്തിക കുറ്റകൃത്യത്തിനു കേസെടുത്ത ഇഡി അവരെ ചോദ്യം ചെയ്‌തേക്കും.റിയയും ബന്ധുക്കളും 15 കോടി രൂപ തട്ടിയെടുത്തുവെന്നാണ് ആരോപണം.

സുശാന്തിന്റെ അവസാന സിനിമ വരെ അദ്ദേഹത്തോടൊപ്പം അഭിനയിച്ച നടന്‍മാരെ ചോദ്യം ചെയ്യുമെന്ന് ബിഹാര്‍ പൊലീസ് സംഘം അറിയിച്ചു. റിയ ഫ്‌ലാറ്റില്‍ ഇല്ലെങ്കിലും അവര്‍ നിരീക്ഷണത്തിലാണെന്നും വ്യക്തമാക്കി.

സുശാന്തിന്റെ മുന്‍ കാമുകിമാര്‍ നേര്‍ക്കുനേര്‍ വന്നു കഴിഞ്ഞു. സംശയമുനകള്‍ റിയയ്‌ക്കെതിരെയാണ്. സുശാന്തിനെ ചതിക്കുകയായിരുന്നുവെന്ന് ആദ്യ കാമുകി അങ്കിത ലോഖണ്ഡെ പറയുന്നു.

റിയയ്ക്കു സംവിധായകന്‍ മഹേഷ് ഭട്ടിനോടുള്ള അടുപ്പവും പ്രശ്‌നങ്ങളുണ്ടാക്കിയെന്നു സൂചനയുണ്ട്. സുശാന്ത് വിഷാദരോഗിയായിരുന്നെന്നും മരുന്നു കഴിച്ചിരുന്നെന്നുമാണു റിയ പറയുന്നത്. നടന്റെ വീട്ടില്‍ നിന്നു മരുന്നു കുറിപ്പടികളും കണ്ടെത്തിയിരുന്നു. ബിഹാര്‍ പൊലീസ് സംഘത്തിനു സഞ്ചരിക്കാന്‍ തന്റെ ആഡംബര കാര്‍ അങ്കിത വിട്ടുകൊടുത്തതും വാര്‍ത്തയായി.

കേസന്വേഷണം പ്രധാനമന്ത്രി നരേന്ദ്ര മോദി നിരീക്ഷിക്കണമെന്ന് സുശാന്തിന്റെ യുഎസിലുള്ള സഹോദരി ശ്വേത സിങ് കീര്‍ത്തി ആവശ്യപ്പെട്ടു. ”ഞങ്ങള്‍ ഒരു എളിയ കുടുംബത്തില്‍ നിന്നുള്ളവരാണ്. എന്റെ സഹോദരനു ബോളിവുഡില്‍ തലതൊട്ടപ്പന്മാരില്ല. ഇപ്പോഴും അങ്ങനെ ആരും ഞങ്ങള്‍ക്കില്ല. കേസ് സത്യസന്ധമായി കൈകാര്യം ചെയ്യുമെന്നും തെളിവുകളൊന്നും നശിപ്പിക്കപ്പെടുന്നില്ലെന്നും ഉറപ്പാക്കാന്‍ അങ്ങ് അടിയന്തരമായി ശ്രദ്ധിക്കണം–” അവര്‍ പറയുന്നു.

സഹോദരന്‍ ജീവിതം മുന്നോട്ടുകൊണ്ടുപോകാന്‍ തന്നെ തയാറെടുക്കുകയായിരുന്നു എന്നു വ്യക്തമാക്കുന്ന ശ്വേതയുടെ ഇന്‍സ്റ്റഗ്രാം പോസ്റ്റില്‍ സുശാന്ത് ജൂണ്‍ 29 ലേക്കു തയാറാക്കിയിരുന്ന ‘ടൈം ടേബിളിന്റെ’ ചിത്രവും ഉണ്ട്. അന്നത്തെ വര്‍ക്ക്ഔട്ടിനും ധ്യാനത്തിനുമുള്ള പ്ലാനാണ് ഇതില്‍. ജൂണ്‍ 14നാണു സുശാന്തിനെ ബാന്ദ്രയിലെ ഫ്‌ലാറ്റില്‍ തൂങ്ങിമരിച്ച നിലയില്‍ കണ്ടെത്തിയത്.

നിലവില്‍ മുംബൈ പൊലീസ്, ബിഹാര്‍ പൊലീസ് എന്നിവയ്ക്കു പുറമേ, ഇഡിയും കേസിനു പിന്നാലെയുണ്ട്. നേരറിയാന്‍ സിബിഐ എത്തണമെന്ന വാദവും ശക്തം. ബോളിവുഡിലെ കിടമത്സരവും ലോബികളുടെ കൈകടത്തലും സ്വജനപക്ഷപാതവും നടന്റെ വിഷാദരോഗവും ആത്മഹത്യയിലേക്കു നയിച്ചെന്ന നിഗമനത്തില്‍ മുംബൈ പൊലീസിന്റെ അന്വേഷണം നീങ്ങവെയാണ് സംഭവത്തില്‍ സിബിഐ അന്വേഷണം വേണമെന്ന് കേന്ദ്ര ആഭ്യന്തര മന്ത്രി അമിത് ഷായോട് ആവശ്യപ്പെട്ട് കാമുകി റിയ ചക്രവര്‍ത്തിയുടെ രംഗപ്രവേശം. സംവിധായകരായ മഹേഷ് ഭട്ട്, സഞ്ജയ് ലീല ബന്‍സാലി, ആദിത്യ ചോപ്ര എന്നിവര്‍ ഉള്‍പ്പെടെ 41 പേരെ കേസുമായി ബന്ധപ്പെട്ട് മുംബൈ പൊലീസ് ചോദ്യം ചെയ്തു.

സുശാന്തിന്റെ കുടുംബം ആവശ്യപ്പെട്ടാല്‍ കേസ് അന്വേഷണം സിബിഐയ്ക്കു വിടാന്‍ ശുപാര്‍ശ ചെയ്യുമെന്ന് ബിഹാര്‍ മുഖ്യമന്ത്രി നിതീഷ്‌കുമാര്‍ വ്യക്തമാക്കി. കേസ് അന്വേഷിക്കാനുള്ള മുംബൈ പൊലീസിന്റെ മികവിനെ ആരും ചോദ്യം ചെയ്യുന്നില്ലെന്ന് സിബിഐ അന്വേഷണം ആവശ്യപ്പെട്ട്് മഹാരാഷ്ട്ര ഗവര്‍ണറെ കണ്ട നടന്‍ ശേഖര്‍ സുമന്‍ പറഞ്ഞു. എന്നാല്‍ എഫ്‌ഐആര്‍ റജിസ്റ്റര്‍ ചെയ്തിട്ട് 45 ദിവസം കഴിഞ്ഞു. ആത്മഹത്യയാണെങ്കില്‍ കേസ് അവസാനിപ്പിക്കണ്ടേ? സിബിഐ അന്വേഷണം നടന്നാല്‍ എന്താണ് കുഴപ്പമെന്നു തനിക്ക് മനസ്സിലാകുന്നില്ലെന്നും സുമന്‍ പറഞ്ഞു.

കേസ് രാഷ്ട്രീയവല്‍കരിക്കരിക്കുകയോ മഹാരാഷ്ട്രയും ബിഹാറും തമ്മിലുള്ള ഉരസലിന് ഇടയാക്കുകയോ ചെയ്യരുതെന്ന് മഹാരാഷ്ട്ര മുഖ്യമന്ത്രി ഉദ്ധവ് താക്കറെ അഭ്യര്‍ഥിച്ചിരുന്നു. ഇതിനിടെ, കൊലപാതകമാണെന്ന് ആരോപിച്ച ബിജെപി എംപി സുബ്രഹ്മണ്യന്‍ സ്വാമിയും സിബിഐ അന്വേഷണം ആവശ്യപ്പെട്ടു.

follow us pathramonline

Similar Articles

Comments

Advertisment

Most Popular

കരിപ്പൂർ വിമാന ദുരന്തം; മിംസ് ആശുപത്രിയിൽ ബന്ധുക്കളെ കാത്ത് ഒരു കുഞ്ഞ്

കരിപ്പൂർ വിമാന ദുരന്തത്തിൽ രക്ഷപ്പെടുത്തിയ ഒരു കുഞ്ഞ് സുരക്ഷിതയായി കോഴിക്കോട് മിംസ് ആശുപത്രിയിൽ. ജാഫർ എന്ന കൊണ്ടോട്ടി സ്വദേശിയാണ് കുഞ്ഞിനെ രക്ഷപ്പെടുത്തിയത്. രണ്ടര വയസ്സ് തോന്നിക്കുന്ന പെൺകുഞ്ഞാണ് ഇത്. കോഴിക്കോട് മിംസ് ആശുപത്രിയിലാണ്...

വിമാന അപകടത്തിന് കാരണം മോശം കാലാവസ്ഥയെന്ന് പ്രാഥമിക വിവരം; പൈലറ്റിന് റണ്‍വേ കാണാനായില്ല

കരിപ്പൂരിലെ വിമാന അപകടത്തിന് കാരണം മോശം കാലാവസ്ഥയെന്ന് പ്രാഥമിക വിവരം. വ്യോമയാന മന്ത്രിക്ക് ഇത്തരത്തില്‍ പ്രാഥമിക റിപ്പോര്‍ട്ട് ഡിജിസിഎ നല്‍കിയിട്ടുണ്ട്. മോശം കാലാവസ്ഥയാണ് അപകടത്തിന് കാരണം. പൈലറ്റിന് റണ്‍വേ കാണാന്‍ സാധിച്ചില്ല. സാങ്കേതിക...

കരിപ്പൂർ വിമാനാപകടം; പൈലറ്റ് അടക്കം മരണം 11 ആയി

കരിപ്പൂർ വിമാനാപകടത്തിൽ പൈലറ്റ് അടക്കം മരണം 11 എന്ന് വിവരം. കോഴിക്കോട് മെഡിക്കൽ കോളജിൽ 21 പേരെയാണ് അത്യാഹിത വിഭാഗത്തിൽ പ്രവേശിപ്പിച്ചിരിക്കുന്നത്. ഇവരിൽ 5 പേർ മരണപ്പെട്ടു എന്നാണ് വിവരം. നേരത്തെ 4...