ഹർദ്ദിക് പാണ്ഡ്യ തിരിച്ച് വരുന്നു

പരുക്കിനെത്തുടർന്ന് ആറു മാസമായി കളിക്കളത്തിൽ നിന്ന് വിട്ടു നിൽക്കുന്ന ഇന്ത്യൻ ഓൾറൗണ്ടർ ഹർദ്ദിക് പാണ്ഡ്യ തിരികെ എത്തുന്നു. ഈ മാസാവസാനം നടക്കാനിരിക്കുന്ന ഡിവൈ പാട്ടീല്‍ ടി-20 ടൂര്‍ണമെന്റിലൂടെയാണ് ഹർദ്ദിക് കളിക്കളത്തിലേക്ക് മടങ്ങി എത്തുക. റിലയൻസ് ടീമിനു വേണ്ടി ഹർദ്ദിക് ഫീൽഡിലിറങ്ങും.

കഴിഞ്ഞ സെപ്തംബറിൽ ദക്ഷിണാഫ്രിക്കക്കെതിരെ നടന്ന ടി-20 മത്സരത്തിലാണ് പാണ്ഡ്യ അവസാനമായി കളിച്ചത്. അതിനു ശേഷം പരുക്കു പറ്റി പാണ്ഡ്യ പുറത്തായിരുന്നു. ന്യൂസിലൻഡ് എക്കെതിരെ നടന്ന പരമ്പരയിൽ ഉൾപ്പെട്ടിരുന്നു എങ്കിലും താരത്തെ പേഴ്സണൽ ട്രെയിനർ തിരികെ വിളിച്ചിരുന്നു. പാണ്ഡ്യയുടെ ബാറ്റിംഗ് ഓക്കെയാണെങ്കിലും ബൗളിംഗ് അല്പം കൂടി മെച്ചപ്പെടുത്താനുണ്ടെന്നും അതുകൊണ്ടാണ് ടീമിൽ നിന്ന് പിൻവലിക്കുന്നതെന്നും ട്രെയിനർ രജനികാന്ത് പറഞ്ഞിരുന്നു. ഫിറ്റ്നസ് ടെസ്റ്റിൽ പരാജയപ്പെട്ടതു കൊണ്ടാണ് പാണ്ഡ്യയെ മാറ്റിയതെന്ന റിപ്പോർട്ടുകൾ രജനികാന്ത് തള്ളി.

അടുത്ത മാസാവസാനം മുതൽ നടക്കാനിരിക്കുന്ന ഐപിഎല്ലിൽ ഫോമിലേത്തണമെന്നാണ് ഹർദ്ദിക് കണക്കുകൂട്ടുന്നത്. നിലവിലെ ചാമ്പ്യന്മാരായ മുംബൈ ഇന്ത്യൻസിൻ്റെ താരമാണ് ഹർദ്ദിക്. ഈ വർഷം ഒക്ടോബറിൽ നടക്കുന്ന ടി-20 ലോകകപ്പ് ടീമിൽ ഇടം നേടുക എന്നതാവും ഹർദ്ദിക്കിൻ്റെ ലക്ഷ്യം. ഹർദ്ദിക്കിൻ്റെ അഭാവത്തിൽ ടീമിലെത്തിയ മുംബൈ ഓൾറൗണ്ടർ ശിവം ദുബേക്ക് മികച്ച പ്രകടനം നടത്താൻ സാധിച്ചിരുന്നില്ല. പന്തു കൊണ്ടും ബാറ്റു കൊണ്ടുമുള്ള സംഭാവനകൾക്കൊപ്പം ഫീൽഡീൽ പാണ്ഡ്യ നടത്തുന്ന പ്രകടനങ്ങളും ഇന്ത്യ മിസ് ചെയ്തു. ലോവർ ഓർഡറിൽ ഒരു എക്സ്പ്ലോസിവ് ബാറ്റ്സ്മാൻ്റെ അഭാവം ഇന്ത്യക്ക് നന്നായി ഉണ്ടായിരുന്നു. അതുകൊണ്ട് തന്നെ പാണ്ഡ്യ മടങ്ങി വരേണ്ടത് ടീം ഇന്ത്യയുടെയും ആവശ്യമാണ്.

Similar Articles

Comments

Advertisment

Most Popular

ഐപിഎൽ: ഹൈദരാബാദിന് ആദ്യ ജയം

ഡൽഹിയെ തോൽപ്പിച്ചത് 15 റൺസിന് ഐ പി എല്ലിൽ തുടർച്ചയായ രണ്ട് തോൽവിക്ക് ശേഷം സൺറൈസേഴ്സ് ഹൈദരാബാദിന് ആദ്യ ജയം. തുടർച്ചയായ മൂന്നാം ജയം തേടിയിറങ്ങിയ ഡൽഹി ക്യാപ്പിറ്റൽസിനെ 15 റൺസിനാണ് ഡേവിഡ് വാർനറും...

കോഴിക്കോട് ജില്ലയില്‍ ഇന്ന് 837 പേര്‍ക്ക് കോവിഡ്

കോഴിക്കോട് ജില്ലയില്‍ ഇന്ന് 837 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതിട്ടുണ്ട്. വിദേശത്ത് നിന്ന് എത്തിയ 5 പേർക്കും ഇതര സംസ്ഥാനങ്ങളില്‍ നിന്ന് എത്തിയവരില്‍ 5 പേര്‍ക്കുമാണ് പോസിറ്റീവായത്. 38 പേരുടെ...

പാലക്കാട് ജില്ലയിൽ ഇന്ന് 374 പേർക്ക് കോവിഡ്

പാലക്കാട് ജില്ലയിൽ ഇന്ന്(സെപ്റ്റംബർ 29) 374 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. സമ്പർക്കത്തിലൂടെ രോഗബാധ ഉണ്ടായ 239 പേർ, ഇതര സംസ്ഥാനങ്ങളിൽ നിന്ന് വന്ന 6 പേർ,...