ബോഡി ഷെയ്മിങ്ങിനെതിരേ ഒരു കുടുംബം തയ്യാറാക്കിയ പരിഹാസം ഷോര്‍ട്ട്ഫിലിം ശ്രദ്ധേയമാകുന്നു

പരിഹാസം നേരിടുന്നവര്‍ അനുഭവിക്കുന്ന വേദനയെ കുറിച്ച് എപ്പോഴെങ്കിലും ചിന്തിച്ചിട്ടുണ്ടോ…? നിങ്ങളും ആരെയെങ്കിലും പരിഹസിച്ചിട്ടുണ്ടെങ്കില്‍ അതൊക്കെ ഒന്ന് ഓര്‍ത്ത് നോക്കണം, പരിഹാസത്തിന് ഇരയായരുടെ ഭാഗത്തുനിന്നും ചിന്തിച്ചുനോക്കുക. ഒരാളുടെ ശാരീരിക അവസ്ഥകളെ പരിഹസിച്ചുകൊണ്ട് ആനന്ദിക്കുമ്പോള്‍ നമ്മള്‍ അറിയാതെ തന്നെ അവരുടെ മനസ്സിനെ ആഴത്തില്‍ മുറിവേല്‍പ്പിക്കുന്നു. പലപ്പോഴും നമ്മള്‍ അത് ഓര്‍ക്കാറില്ല എന്നതാണ് വാസ്തവം. പക്ഷെ വേദനിക്കപ്പെടുന്നവര്‍ക്ക് വലിയ വിഷമമുണ്ടാക്കുകയും ചെയ്യുന്നു. ഇങ്ങനെ ബോഡി ഷെയ്മിങ് മൂലം ഉണ്ടാകുന്ന പ്രശ്‌നങ്ങളെ കുറിച്ചുള്ള ഒരു ഷോര്‍ട്ട് ഫിലിം ഇപ്പോള്‍ ശ്രദ്ധ നേടുകയാണ്.

ബോഡി ഷെയ്മിങ്ങിനെനെതിരായ അവബോധം കുട്ടികളിലും മുതിര്‍ന്നവരിലും സൃഷ്ടിക്കുകയെന്ന ലക്ഷ്യത്തോടെ ഒരു കുടുംബം സ്വന്തം വീടിനകത്തു തന്നെ ഒരുക്കിയ ‘പരിഹാസം’ എന്ന ഷോര്‍ട്ട് ഫിലിമാണ് ഇപ്പോള്‍ ചര്‍ച്ചാ വിഷയമാകുന്നത്. സുഭാഷ് ദേവ് തിരക്കഥയും സംവിധാനവും എഡിറ്റിംഗും നിര്‍വഹിച്ച ചിത്രത്തില്‍ അഭിനയിച്ചിരിക്കുന്നത് സുഭാഷിന്റെ ഭാര്യ ശ്രീലക്ഷ്മിയും മകന്‍ അഭയ് ദേവുമാണ്. യൂട്യൂബില്‍ ഗ്രാമവാസി എന്ന ചാനലിലൂടെയാണ് ഈ ഹ്രസ്വചിത്രം പുറത്തുവന്നിട്ടുള്ളത്.

മുതിര്‍ന്നവരില്‍ നിന്ന് അറിഞ്ഞും അറിയാതെയും പകര്‍ന്നു കിട്ടി കുട്ടികളില്‍ സ്‌കൂള്‍ തലം മുതല്‍ ഉണ്ടാകുന്ന പരിഹാസങ്ങളും കളിയാക്കലുകളും എങ്ങനെ അവരെ ബാധിക്കുന്നു എന്ന് വ്യക്തമാക്കുന്നതാണ് ഷോര്‍ട്ട്ഫിലിം. ശാരീരിക വ്യത്യാസങ്ങളേയും സവിശേഷതകളെയും മുന്‍നിര്‍ത്തിയുള്ള പരിഹാസങ്ങള്‍ തമാശകളല്ലെന്നും അവ ഏറെപ്പേരേ വേദനിപ്പിക്കുന്നതാണെന്നും കുട്ടികളെ പഠിപ്പിക്കാനുതകുന്ന വിധത്തിലാണ് ചിത്രം ഒരുക്കിയിട്ടുള്ളത്.

malayalam-short-film-parihasam-against-body-shaming

Similar Articles

Comments

Advertisment

Most Popular

ബൃന്ദാ മാസ്റ്റർ സംവിധാനം ചെയ്യുന്ന പാൻ ഇന്ത്യൻ ആക്ഷൻ ചിത്രം തഗ്സിന്റെ ട്രെയിലർ റിലീസായി

പ്രേക്ഷകരിൽ ആകാംക്ഷയും ഉദ്വേഗവും ഉണർത്തി പ്രശസ്ത കൊറിയോഗ്രാഫർ ബ്രിന്ദാ മാസ്റ്റർ സംവിധാനം ചെയ്ത തഗ്‌സിന്റെ ട്രൈലെർ റിലീസായി. ആക്ഷൻ രംഗങ്ങൾ കൊണ്ട് സമ്പൂർണമായ ട്രെയ്ലർ ദുൽഖർ സൽമാൻ, വിജയ് സേതുപതി, കീർത്തി സുരേഷ്...

ധോണി എന്റർടെയ്ൻമെന്റിന്റെ ആദ്യ ചിത്രമായ ‘എൽ.ജി.എം’ ചിത്രീകരണം ആരംഭിച്ചു !

സാക്ഷിയും മഹേന്ദ്ര സിംഗ് ധോണിയുടെ പ്രൊഡക്ഷൻ ഹൗസായ ധോണി എന്റർടെയ്ൻമെന്റും ചേർന്ന് നിർമ്മിക്കുന്ന 'എൽ.ജി.എം' ന്റെ ചിത്രീകരണം ഇന്ന് മുതൽ ആരംഭിച്ചു, ഇന്ന് ചെന്നൈയിൽ വെച്ച് പൂജാ ചടങ്ങുകളോടെ ആയിരുന്നു ചിത്രീകരണത്തിന്...

ഇരട്ട: പ്രൊമോ സോങ് റിലീസായി

പ്രേക്ഷകരെ ആകാംഷയുടെ മുൾമുനയിൽ നിർത്തിയാണ് മാർട്ടിൻ പ്രക്കാട്ടും ജോജു ജോർജും ഒന്നിക്കുന്ന ഇരട്ടയുടെ ട്രൈലെർ റിലീസായത്. ഇപ്പോൾ ചിത്രത്തിന്റെ റിലീസ് ഫെബ്രുവരി മൂന്നിന് പ്രഖ്യാപിച്ചുകൊണ്ടുള്ള പ്രൊമോ സോങ് ആണ് റിലീസായിരിക്കുന്നത്‌. മലയാളിക്ക് പ്രിയപ്പെട്ട...