വയനാട് മേപ്പാടിയിൽ വിനോദ സഞ്ചാരി കാട്ടാനയുടെ ആക്രമണത്തിൽ കൊല്ലപ്പെട്ട കേസിൽ റിസോർട്ട് ഉടമകൾ അറസ്റ്റിൽ. വയനാട് സ്വദേശികളായ റിയാസ്, സുനീർ എന്നിവരെയാണ് മേപ്പാടി പൊലീസ് അറസ്റ്റ് ചെയ്തത്.
മനപ്പൂർവമല്ലാത്ത നരഹത്യക്കുറ്റമാണ് ഇവർക്കെതിരെ ചുമത്തിയത്. സുരക്ഷാക്രമീകരണങ്ങളൊന്നും ഇല്ലാതെയാണ് വനാതിർത്തിയിലെ ടെന്റ് കളിൽ വിനോദസഞ്ചാരികളെ പ്രവേശിപ്പിച്ചതെന്ന് കലക്ടർ നടത്തിയ അന്വേഷണത്തിലും വ്യക്തമായിരുന്നു. ഇക്കഴിഞ്ഞ ശനിയാഴ്ചയാണ് കാട്ടാനയുടെ ചവിട്ടേറ്റ് യുവതി കൊല്ലപ്പെട്ടത്.
ടെന്റില്‍ തങ്ങിയ കണ്ണൂര്‍ ചേളേരി സ്വദേശി ഷഹാന (26) ആണ് മരിച്ചത്.
