താനുമായി നാനി ശാരീരിക ബന്ധം ഉണ്ടായിട്ടില്ലെന്ന് കുടുംബത്തെ പിടിച്ച് ആണയിടാൻ വെല്ലവിളിയുമായി ശ്രീ റെഡ്ഡി

കൊച്ചി:ശ്രീ റെഡ്ഡിക്കെതിരെ മാനനഷ്ടകേസില്‍ നിയമ നടപടിക്കൊരുങ്ങുന്നതായി വാര്‍ത്താകുറിപ്പിലൂടെ അറിയിച്ച തെലുങ്ക് യുവനടനും നിര്‍മാതാവുമായ നാനിയോട് താനുമായി ശാരീരിക ബന്ധം ഉണ്ടായിട്ടില്ലെന്ന് കുടുംബത്തെ പിടിച്ച് ആണയിടാന്‍ ആവശ്യപ്പെട്ട് ശ്രീ റെഡ്ഡി. നടി ഫേസ്ബുക്കില്‍ കുറിച്ച പോസ്റ്റിലാണ് തീര്‍ത്തും സഭ്യമല്ലാത്ത ഭാഷയിലുള്ള ഈ പ്രതികരണം. നിയമപരമായി തന്നെ നേരിടാമെന്നും താനുമായി ശാരീരിക ബന്ധം ഉണ്ടായിട്ടില്ലെന്ന് കുടുംബത്തെയും കരിയറിനെയും പിടിച്ച് ആണയിടാനുമാണ് നാനിയോട് ശ്രീ റെഡ്ഡി ആവശ്യപ്പെട്ടിരിക്കുന്നത്.

ബിഗ് ബോസ് എന്ന റിയാലിറ്റി ഷോയില്‍ നിന്ന് നാനി ഇടപെട്ട് തന്നെ പുറത്താക്കി എന്നാരോപിച്ചുകൊണ്ടാണ് നടി ആദ്യം നാനിക്കെതിരേ രംഗത്തെത്തിയത്. ബിഗ് ബോസ് എന്ന റിയാലിറ്റി ഷോയുടെ തെലുങ്ക് പതിപ്പിന്റെ അവതാരകന്‍ നാനിയാണ്. എന്നാല്‍ ശ്രീറെഡ്ഡിയുടെ ഈ ആരോപണം നാനി നിഷേധിച്ചതോയെയാണ് തന്നോടൊപ്പമുള്ള നാനിയുടെ മോശം ചിത്രങ്ങള്‍ പുറത്തുവിടുമെന്ന് ശ്രീ റെഡ്ഡി പറഞ്ഞത്.

സിനിമയിലെ സ്വഭാവിക നടന്‍ ജീവിതത്തിലും നന്നായി അഭിനയിക്കുന്ന വ്യക്തിയാണെന്നാണ് ശ്രീ റെഡ്ഡിയുടെ വാക്കുകള്‍. നാനി ഒരുപാട് പെണ്‍കുട്ടികളെ തന്റെ ആവശ്യങ്ങള്‍ക്കായി ഉപയോഗിച്ചിട്ടുണ്ടെന്നും എല്ലാം ഒരിക്കല്‍ പുറത്ത് വരുമെന്നും നടി കുറച്ചു നാളുകള്‍ക്ക് മുമ്പ് വെളിപ്പെടുത്തുകയുണ്ടായി.സംവിധായകനും നടനുമായ ശേഖര്‍ കമ്മൂല, ഗായകന്‍ ശ്രീറാം, നടന്‍ റാണാ ദഗ്ഗുബാട്ടിയുടെ സഹോദരന്‍ അഭിറാം ദഗ്ഗുബാട്ടി, സംവിധായകനും തിരക്കഥാകൃത്തുമായ ശിവ കൊര്‍ത്താല തുടങ്ങിയവര്‍ക്കെതിരേയും ഗുരുതരമായ ആരോപണങ്ങളുമായി ശ്രീ റെഡ്ഡി രംഗതെത്തിയിരുന്നു.

SHARE