കൊച്ചി:മോഹന്‍ലാല്‍ നായകനായെത്തുന്ന നീരാളി അടുത്ത ആഴ്ച റിലീസ് ചെയ്യും എന്ന പ്രതീക്ഷയിലായിരുന്നു ആരാധകര്‍. എന്നാല്‍ ചിത്രത്തിനായി ആരാധകര്‍ക്ക് കുറച്ചുകൂടി കാത്തിരുന്നേ മതിയാവൂ. ചിത്രത്തിന്റെ റിലീസ് വീണ്ടും മാറ്റി. ജൂലൈ 12 ലേക്കാണ് റിലീസ് മാറ്റിയിരിക്കുന്നത്. ജൂണ്‍ 14 ന് ചിത്രം തീയെറ്ററുകളില്‍ എത്തുമെന്നാണ് ആദ്യം പറഞ്ഞിരുന്നത്. എന്നാല്‍ ഇത് പിന്നീട് ജൂണ്‍ 15 ലേക്ക് മാറ്റുകയായിരുന്നു. ആരാധകരെ നിരാശരാക്കിക്കൊണ്ടാണ് റിലീസ് വീണ്ടും മാറ്റിയിരിക്കുന്നത്.
ബോളിവുഡ് സംവിധായകന്‍ അജോയ് വര്‍മയാണ് ചിത്രം ഒരുക്കുന്നത്. നവാഗതനായ സാജു തോമസ് രചന നിര്‍വഹിച്ചിരിക്കുന്ന ചിത്രം നിര്‍മിക്കുന്നത് സന്തോഷ് ടി കുരുവിളയാണ്. നീരാളിയില്‍ നാദിയ മൊയ്തുവാണ് മോഹന്‍ലാലിന്റെ നായികയായി എത്തുന്നത്. സുരാജ് വെഞ്ഞാറമൂട്, പാര്‍വതി എന്നിവരും ചിത്രത്തില്‍ പ്രധാന കഥാപാത്രമായി എത്തുന്നുണ്ട്. ചിത്രത്തിലെ പാട്ടുകളും ട്രെയ്ലറുമെല്ലാം വലിയ ശ്രദ്ധ നേടിയിരുന്നു.
