റെക്കോര്‍ഡ് നേട്ടം സ്വന്തമാക്കിയ ചിത്രത്തില്‍ മമ്മൂട്ടി അഭിനയിച്ചത് പ്രതിഫലം കൈപ്പറ്റാതെ… ഇനി പണം കൊടുക്കണം ജോയ് മാത്യൂ

റിലീസിനു മുന്‍പ് തന്നെ റെക്കോര്‍ഡ് നേട്ടം സ്വന്തമാക്കിയ ചിത്രത്തില്‍ മമ്മൂട്ടി അഭിനയിച്ചത് പ്രതിഫലം കൈപ്പറ്റാതെ. ചിത്രത്തിന്റെ നിര്‍മ്മാതാവ് ആയ ജോയ് മാത്യൂ തന്നെയാണ് ഇക്കാര്യം വ്യക്തമാക്കിയിരിക്കുന്നത്. റിലീസിനു മുമ്പു തന്നെ സാറ്റലൈറ്റ് തുകയില്‍ റെക്കോര്‍ഡിട്ട അങ്കിളിന്റെ നേട്ടത്തെക്കുറിച്ച് ജോയ് മാത്യു മനോരമ ന്യൂസിന് നല്‍കിയ അഭിമുഖത്തില്‍ പറയുന്നത്.
സിനിമയുടെ തമിഴ്, തെലുങ്ക് റൈറ്റ്‌സൊക്കെ ഇതിനോടകം തന്നെ വിറ്റുപോയി.ഒപ്പം മറ്റൊരു കാര്യം കൂടി ജോയ് മാത്യു വെളിപ്പെടുത്തുന്നു. സിനിമയില്‍ മമ്മൂട്ടി പണം വാങ്ങാതെയാണ് അഭിനയിച്ചത് എന്നു പറയുന്നത് സത്യമാണ്. പണം ഇതുവരെ കൊടുത്തിട്ടില്ല. ഞാന്‍ ചതിക്കില്ല എന്നദ്ദേഹത്തിനറിയാം. പക്ഷെ ഇനി പൈസ കൊടുക്കണം. കഥ ഇഷ്ടപ്പെട്ടതുകൊണ്ടാണ് അദ്ദേഹം അഭിനയിച്ചത്. നല്ല സിനിമകളെ ഒരുപാട് സ്‌നേഹിക്കുന്നയാളാണദ്ദേഹം.’ ജോയ് മാത്യു പറഞ്ഞു.കൗമാരക്കാരിയായ പെണ്‍കുട്ടി നേരിടുന്ന പ്രശ്‌നങ്ങളില്‍ പിതാവിന്റെ സുഹൃത്ത് സഹായിക്കാനെത്തുന്നതാണ് ചിത്രത്തിന്റെ ഇതിവൃത്തം. ഇന്നത്തെ മിഡില്‍ ക്ലാസ് കുടുംബത്തിലെ പെണ്‍കുട്ടി നേരിടുന്ന പ്രശ്‌നമാണ് സിനിമയില്‍ കാണിക്കുന്നത്. സാമൂഹിക പ്രസക്തിയുള്ള ചിത്രമാണിത്. ഒപ്പം യാഥാര്‍ഥ്യവുമായി ബന്ധം പുലര്‍ത്തുന്നുണ്ട്. ഞാനും മമ്മൂട്ടിയോടൊപ്പം ചിത്രത്തില്‍ പ്രധാന വേഷം കൈകാര്യം ചെയ്യുന്നുണ്ട്. കാര്‍ത്തിക മുരളിയാണ് നായിക. ശരിക്കും നായികാ നായകന്‍ എന്നൊന്നും ഈ സിനിമയില്‍ പറയാന്‍ കഴിയില്ല. കേന്ദ്രകഥാപാത്രങ്ങളായി മാത്രമേ കാണാന്‍ കഴിയൂ. സുരേഷ് കൃഷ്ണ, കെപിഎസി ലളിത, മുത്തുമണി തുടങ്ങിയവര്‍ ചിത്രത്തില്‍ അഭിനയിക്കുന്നുണ്ട്. മാര്‍ച്ച് പകുതിയോടെ ചിത്രം റിലീസ് ചെയ്യും. ജോയ്മാത്യു മനോരമ ന്യൂസ് ഡോട്ട് കോമിനോട് പറഞ്ഞു.

Similar Articles

Comments

Advertisment

Most Popular

ബൃന്ദാ മാസ്റ്റർ സംവിധാനം ചെയ്യുന്ന പാൻ ഇന്ത്യൻ ആക്ഷൻ ചിത്രം തഗ്സിന്റെ ട്രെയിലർ റിലീസായി

പ്രേക്ഷകരിൽ ആകാംക്ഷയും ഉദ്വേഗവും ഉണർത്തി പ്രശസ്ത കൊറിയോഗ്രാഫർ ബ്രിന്ദാ മാസ്റ്റർ സംവിധാനം ചെയ്ത തഗ്‌സിന്റെ ട്രൈലെർ റിലീസായി. ആക്ഷൻ രംഗങ്ങൾ കൊണ്ട് സമ്പൂർണമായ ട്രെയ്ലർ ദുൽഖർ സൽമാൻ, വിജയ് സേതുപതി, കീർത്തി സുരേഷ്...

ധോണി എന്റർടെയ്ൻമെന്റിന്റെ ആദ്യ ചിത്രമായ ‘എൽ.ജി.എം’ ചിത്രീകരണം ആരംഭിച്ചു !

സാക്ഷിയും മഹേന്ദ്ര സിംഗ് ധോണിയുടെ പ്രൊഡക്ഷൻ ഹൗസായ ധോണി എന്റർടെയ്ൻമെന്റും ചേർന്ന് നിർമ്മിക്കുന്ന 'എൽ.ജി.എം' ന്റെ ചിത്രീകരണം ഇന്ന് മുതൽ ആരംഭിച്ചു, ഇന്ന് ചെന്നൈയിൽ വെച്ച് പൂജാ ചടങ്ങുകളോടെ ആയിരുന്നു ചിത്രീകരണത്തിന്...

ഇരട്ട: പ്രൊമോ സോങ് റിലീസായി

പ്രേക്ഷകരെ ആകാംഷയുടെ മുൾമുനയിൽ നിർത്തിയാണ് മാർട്ടിൻ പ്രക്കാട്ടും ജോജു ജോർജും ഒന്നിക്കുന്ന ഇരട്ടയുടെ ട്രൈലെർ റിലീസായത്. ഇപ്പോൾ ചിത്രത്തിന്റെ റിലീസ് ഫെബ്രുവരി മൂന്നിന് പ്രഖ്യാപിച്ചുകൊണ്ടുള്ള പ്രൊമോ സോങ് ആണ് റിലീസായിരിക്കുന്നത്‌. മലയാളിക്ക് പ്രിയപ്പെട്ട...