അനുവാദമില്ലാതെ മകന്റെ ഫോട്ടോ ഫേസ്ബുക്കിലിട്ടു; അമ്മയ്‌ക്കെതിരെ പരാതിയുമായി പതിനാറുകാരന്‍!! ഫോട്ടോ ഉടന്‍ നീക്കം ചെയ്യാന്‍ കോടതി നിര്‍ദ്ദേശം

അനുവാദമില്ലാതെ മറ്റുള്ളവരുടെ ഫോട്ടോ ഫേസ്ബുക്കിലിടുന്നവര്‍ക്കൊരു മുന്നറിയിപ്പ്. അതു നിങ്ങളുടെ സ്വന്തം മകനാനോ മകളോ ആണെങ്കില്‍ കൂടി നിങ്ങള്‍ കുടുങ്ങും. മക്കളുമൊത്തുള്ള ചിത്രങ്ങളോ അവരുടെ ജീവിതത്തിലെ സവിശേഷമുഹൂര്‍ത്തങ്ങളോ അവരോട് ചോദിക്കാതെ ഇനി ഫേസ്ബുക്കിലും മറ്റും പോസ്റ്റ് ചെയ്യരുതെന്ന് പാഠമാക്കി തരുകയാണ് ഈ വാര്‍ത്ത. ഇറ്റലിയിലെ ഒരമ്മയ്ക്ക് സംഭവിച്ചത് ഇങ്ങനെ: തന്റെ അനുവാദമില്ലാതെ ചിത്രങ്ങള്‍ അമ്മ ഫെയ്സ്ബുക്കില്‍ പോസ്റ്റ് ചെയ്തുവെന്ന പരാതിയുമായി 16കാരനാണ് കോടതിയിലെത്തിയത്.

അമ്മയുടെ സോഷ്യല്‍ മീഡിയ അക്കൗണ്ടില്‍ തന്റെ ചിത്രങ്ങള്‍ അനുവാദമില്ലാതെ പോസ്റ്റ് ചെയ്യുന്നുവെന്ന 16കാരന്റെ പരാതി ഗൗരവമുള്ളതാണെന്ന് കോടതി നിരീക്ഷിച്ചു. ചിത്രങ്ങള്‍ ഉടനടി നീക്കം ചെയ്യണമെന്നാവശ്യപ്പെട്ട കോടതി അല്ലാത്തപക്ഷം 10,000 യൂറോ പിഴയടക്കേണ്ടിവരുമെന്ന മുന്നറിയിപ്പും നല്‍കി. അമ്മയുടെ സോഷ്യല്‍ മീഡിയ ഭ്രമം കാരണം അച്ഛന്‍ അകന്നതും മറ്റും കണ്ടുവളര്‍ന്ന മകനാണ് അമ്മയ്ക്കെതിരെ കോടതിയിലെത്താന്‍ തയ്യാറായത്.

ഇവരുടെ വിവാഹമോചനക്കേസ് കൈകാര്യം ചെയ്യുന്ന കോടതിയാണ് ഫെയ്സ്ബുക്ക് കേസില്‍ മകന് അനുകൂലമായി വിധി പറഞ്ഞത്. അനുവാദമില്ലാതെ മകന്റേതാണെങ്കില്‍ക്കൂടി ചിത്രങ്ങള്‍ പരസ്യപ്പെടുത്തുന്നത് ഇറ്റാലിയന്‍ പകര്‍പ്പവകാശ നിയമത്തിന് വിരുദ്ധമാണെന്ന് കോടതി നിരീക്ഷിച്ചു. മകനുള്‍പ്പെടുന്ന ചിത്രങ്ങളും വീഡിയോകളും പരാമര്‍ശങ്ങളും ഉടനടി നീക്കം ചെയ്യണമെന്നാണ് കോടതിയുടെ ഉത്തരവ്.

തങ്ങള്‍ക്ക് പകര്‍പ്പവകാശമുള്ള ചിത്രങ്ങള്‍ മാത്രമേ പോസ്റ്റ് ചെയ്യാവൂ എന്നതാണ് ഫെയ്സ്ബുക്കിന്റെ ടേംസ് ആന്‍ഡ് കണ്ടീഷന്‍സ്. ഫെയ്സ്ബുക്കില്‍ ചേരുമ്പോള്‍ ഇത് എല്ലാവരും അംഗീകരിക്കാറുണ്ടെങ്കിലും പലരും അത് മനസ്സിലാക്കാതെയാണ് പോസ്റ്റുകളിടുന്നത്. അത് തികച്ചും നിയമവിരുദ്ധമാണ്.

Similar Articles

Comments

Advertisment

Most Popular

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി, താന്‍ കഞ്ചാവ് വലിക്കാറുണ്ടെന്ന് സഹപാഠിയുടെ മൊഴി

കണ്ണൂര്‍: ഒന്‍പതാം ക്ലാസ് വിദ്യാര്‍ഥിനിയെ സഹപാഠി മയക്കുമരുന്ന് നല്‍കി പീഡിപ്പിച്ചുവെന്ന കേസില്‍ വഴിത്തിരിവ്. ആരോപണം മാധ്യമങ്ങള്‍ക്ക് നേരിട്ട് നല്‍കുകയും പെണ്‍കുട്ടിയെ അതിന് പ്രേരിപ്പിക്കുകയും ചെയ്ത കുട്ടിയുടെ പിതാവ് പോക്‌സോ കേസിലെ പ്രതി. മകളെ ലൈംഗികമായി...

ആര്യന്‍ ഖാന്‍ ന്റെ തിരക്കഥയില്‍ നെറ്റ്ഫ്‌ലിക്‌സ് വെബ് സീരീസ് വരുന്നു

ആരാധകര്‍ ഏറെ പ്രതീക്ഷയോടെ കാത്തിരിക്കുകയാണ് ആര്യന്‍ ഖാന്റെ ബോളിവുഡ് അരങ്ങേറ്റത്തിനായി. വരാനിരിക്കുന്ന നെറ്റ്ഫ്‌ലിക്‌സ് വെബ് സീരീസിലൂടെ. എഴുത്തുകാരനായി ആര്യന്‍ വരുന്നുവെന്നാണ് റിപ്പോര്‍ട്ടുകള്‍. നെറ്റ്ഫ്‌ലിക്‌സിനായി ആക്ഷേപഹാസ്യ വിഭാഗത്തില്‍പ്പെടുന്ന വെബ് സീരീസാണ് ആര്യന്‍ ഒരുക്കുന്നത്. തിരക്കഥയെഴുതുന്ന...

വിവാഹ സംഘമെന്ന് തെറ്റിദ്ധരിപ്പിച്ച് ഉദ്യോഗസ്ഥര്‍; 250 ഉദ്യോഗസ്ഥര്‍ ; 120 കാറുകള്‍ ;റെയ്ഡ് പ്ലാന്‍ ഇങ്ങനെ

മുംബൈ: കഴിഞ്ഞ ദിവസം 390 കോടിയുടെ കണക്കില്‍പെടാത്ത സ്വത്ത് മഹാരാഷ്ട്രയിലെ രണ്ട് വ്യവസായ ഗ്രൂപ്പുകളില്‍ നിന്ന് പിടിച്ചെടുക്കന്‍ അതി വിദഗ്ധമായി തയ്യാറാക്കിയതായിരുന്നു ആദായ നികുതി വകുപ്പിന്റെ പദ്ധതി. 250 ഉദ്യോഗസ്ഥര്‍ മഹാരാഷ്ട്രയിലെ ജല്‍നയിലെത്തിയത് വിവാഹ...