അട്ടപ്പാടി: പാലക്കാട് അട്ടപ്പാടിയിൽ കാട്ടാനയുടെ ആക്രമണത്തിൽ ഗുരുതരമായി പരിക്കേറ്റ സ്ത്രീ മരിച്ചു. മണ്ണാർക്കാട് സ്വദേശിനി ബുഷറ (52) ആണ് മരിച്ചത്. തേക്കുവട്ട ഭാഗത്ത് ഭവാനിപ്പുഴയിൽ ഇറങ്ങിയ വിനോദസഞ്ചാരികൾക്ക് നേരെയാണ് കാട്ടാനയുടെ ആക്രമണമുണ്ടായത്.
ആനയുടെ ആക്രമണത്തിൽ ബുഷാരയുടെ ഒരു വിരൽ ഉൾപ്പെടെ അറ്റുപോയിരുന്നു. ഗുരുതരമായി പരിക്കേറ്റ ഇവരെ താവളത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
വനപാലകർ അപായ മുന്നറിയിപ്പ് നൽകിയിരുന്നിട്ടും ആനയെ കാണുന്നതിനായി സഞ്ചാരികൾ പുഴയിൽനിന്ന് മാറാതെ തുടരുകയായിരുന്നുവെന്നാണ് വിവരം. ആനയെ കാണാനുള്ള സാഹസമാണ് അപകടത്തിലേക്ക് നയിച്ചതെന്നും മുന്നറിയിപ്പ് നൽകിയിട്ടും സഞ്ചാരികൾ പുഴയിൽനിന്ന് മാറിയില്ലെന്നും വനപാലകർ പറഞ്ഞു.
