യാത്രകള്‍ ഏറെ ഇഷ്ടപ്പെടുന്ന ചലച്ചിത്ര താരങ്ങളിലൊരാളാണ് മലയാളികളുടെ പ്രിയനടി അഹാന കൃഷ്ണ. സഹോദരിമാര്‍ക്കൊപ്പം യാത്രകള്‍ ചെയ്യുന്ന വീഡിയോകളും ചിത്രങ്ങളും തന്റെ സോഷ്യല്‍ മീഡിയാ അക്കൗണ്ട് വഴി അഹാന പങ്കുവെയ്ക്കാറുമുണ്ട്. മാലദ്വീപില്‍ നിന്നുള്ള ബിക്കിനി ഫോട്ടോഷൂട്ടാണ് അക്കൂട്ടത്തില്‍ ഏറ്റവും പുതിയത്.
” രണ്ടുവര്‍ഷം മുമ്പ് ഉപേക്ഷിച്ച എന്റെ ഹൃദയത്തിന്റെ ഭാഗം തിരഞ്ഞ് ഈ സ്വര്‍ഗത്തില്‍ വീണ്ടുമെത്തിയിരിക്കുന്നു. അവിടമാണ് മാലദ്വീപ്” എന്നാണ് ചിത്രങ്ങള്‍ക്കൊപ്പം അഹാന കുറിച്ചിരിക്കുന്നത്.
തമിഴ്‌നാട്ടിലെ ചെട്ടിനാട് കൊട്ടാരം, ഫാമുകള്‍, മഹാബലിപുരം എന്നീ സ്ഥലങ്ങള്‍ സന്ദര്‍ശിച്ചതിന്റെ ചിത്രങ്ങള്‍ അവര്‍ നേരത്തെ പങ്കുവെച്ചിരുന്നു. തന്റെ യൂട്യൂബ് ചാനലിലൂടെയും അവര്‍ യാത്രാ വിശേഷങ്ങള്‍ പറയാറുണ്ട്. ജിഷ്ണു ശ്രീകണ്ഠന്‍ സംവിധാനം ചെയ്ത പിടികിട്ടാപ്പുള്ളിയാണ് അഹാന അഭിനയിച്ച് ഒടുവില്‍ പുറത്തിറങ്ങിയ ചിത്രം.
