യു.എ.ഇ.യിൽ നിന്ന് സന്തോഷ വാർത്ത; കോവിഡ് രോഗമുക്തിയിൽ റെക്കോഡ് വർധന

ദുബായ്: യു.എ.ഇ.യിൽ കോവിഡ് രോഗമുക്തി നേടുന്നവരുടെ എണ്ണത്തിൽ ഞായറാഴ്ച റെക്കോഡ് വർധന. 2443 പേർക്കാണ് 24 മണിക്കൂറിനുള്ളിൽ അസുഖം പൂർണമായും ബേധപ്പെട്ടത്. രോഗമുക്തി നേടുന്നവരുടെ എണ്ണം 66,095- ലെത്തി. പുതിയ മരണങ്ങളൊന്നും റിപ്പോർട്ട് ചെയ്യപ്പെട്ടില്ല. ആകെ മരണം 388.

അതേസമയം പുതുതായി 513 പേരിൽക്കൂടി രോഗം റിപ്പോർട്ട് ചെയ്യപ്പെട്ടു. ആകെരോഗികളുടെ എണ്ണം ഇതോടെ ഉയർന്ന് 73,984-ലെത്തി. നിലവിൽ 7501 പേർ ആശുപത്രിയിൽ ചികിത്സയിലുണ്ട്. പുതിയ രോഗികളേക്കാൾ ഇരട്ടിയിലേറെപേർ രോഗമുക്തി നേടിയതും മരണങ്ങളില്ലാത്തതും രാജ്യത്ത് ആശ്വാസംപകരുന്നു. കഴിഞ്ഞദിവസങ്ങളിൽ നടത്തിയ 87,336 പരിശോധനകളിലാണ് പുതിയരോഗികളെ കണ്ടെത്തിയത്. രാജ്യത്താകെ ഇതുവരെ 75 ലക്ഷത്തിലേറെ പരിശോധനകൾ പൂർത്തിയായി. കോവിഡ് വ്യാപനം തടയാൻ വിവിധ എമിറേറ്റുകളിൽ ഊർജിതപരിശോധനകളാണ് നടക്കുന്നത്.

ഇതോടൊപ്പം കോവിഡ് 19 പരിശോധനയ്ക്കായി മൂക്കിലെ സ്രവത്തിനുപകരം ഉമിനീരും ഫലപ്രദമാണെന്ന് യു.എ.ഇ. ഗവേഷകർ പറഞ്ഞു.

ദുബായ് ആസ്ഥാനമായുള്ള മുഹമ്മദ് ബിൻ റാഷിദ് യൂണിവേഴ്‌സിറ്റി ഓഫ് മെഡിസിൻ ആൻഡ് ഹെൽത്ത് സയൻസിലെ (എം.ബി.ആർ.യു.) ഗവേഷകരുടേതാണ് കണ്ടുപിടുത്തം. അറബ് മേഖലയിൽതന്നെ ആദ്യമായാണ് ഇത്തരത്തിലൊരു പഠനം.

Similar Articles

Comments

Advertisment

Most Popular

പത്തനംതിട്ട ജില്ലയില്‍ ഇന്ന് 38 പേര്‍ക്ക് കോവിഡ്

പത്തനംതിട്ട ജില്ലയില്‍ ഇന്ന്(28) 38 പേര്‍ക്ക് കോവിഡ്-19 സ്ഥിരീകരിച്ചു ജില്ലയില്‍ ഇന്ന് 137 പേര്‍ രോഗമുക്തരായി ഇന്ന് രോഗം സ്ഥിരീകരിച്ചവരില്‍ 7 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 31 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്. • മറ്റ്...

കോഴിക്കോട് ‍ജില്ലയില് ഇന്ന് 918 പേര്‍ക്ക് കോവിഡ്

രോഗമുക്തി 645 ജില്ലയില്‍ ഇന്ന് 918 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്ത് നിന്ന് എത്തിയ 6 പേർക്കും ഇതര സംസ്ഥാനങ്ങളില്‍ നിന്ന് എത്തിയവരില്‍ 5...

കോഴിക്കോട് സ്ഥിതി അതീവഗുരുതരം; ഇന്ന് രോഗം ബാധിച്ചത് 918 പേർക്ക്; എറണാകുളം രണ്ടാമത്.

കേരളത്തില്‍ ഇന്ന് 4538 പേര്‍ക്ക് കോവിഡ്-19 സ്ഥിരീകരിച്ചു. കോഴിക്കോട് 918, എറണാകുളം 537, തിരുവനന്തപുരം 486, മലപ്പുറം 405, തൃശൂര്‍ 383, പാലക്കാട് 378, കൊല്ലം 341, കണ്ണൂര്‍ 310, ആലപ്പുഴ 249,...