യുഎഇയിൽ നടക്കുന്ന ഐപിഎൽ പതിമൂന്നാം സീസണിന്‍റെ പ്രാഥമികഘട്ട മത്സരങ്ങളുടെ സമയക്രമം ബിസിസിഐ പുറത്തുവിട്ടു.
ഉദ്ഘാടന മത്സരത്തില്‍ നിലവിലെ ചാമ്പ്യന്മാരായ മുംബൈ ഇന്ത്യന്‍സ് റണ്ണേഴ്സ് അപ്പായ ചെന്നൈ സൂപ്പര്‍ കിംഗ്സിനെ നേരിടും.
സെപ്റ്റംബർ 19ന് അബുദാബിയിൽ ഇന്ത്യൻ സമയം രാത്രി 7.30നാണ് മത്സരം.
സെപ്റ്റംബർ 19 മുതല്‍ നവംബർ മൂന്നു വരെയുള്ള ദിവസങ്ങളിലെ സമയക്രമമാണ് ഇപ്പോള്‍ പ്രഖ്യാപിച്ചിരിക്കുന്നത്.
മൂന്നു വേദികളിലായി 46 മത്സരങ്ങളാണ് ആദ്യ ഘട്ടത്തില്‍ നടക്കുക.
ഇതിൽ 36 മത്സരങ്ങൾ ഇന്ത്യൻ സമയം രാത്രി 7.30നും പത്ത് മത്സരങ്ങൾ ഇന്ത്യൻ സമയം ഉച്ചകഴിഞ്ഞ് 3.30നുമാണ് നടക്കുന്നത്.
