എമിറേറ്റ്‌സിന്റെ വജ്രം പതിപ്പിച്ച വിമാനത്തെ കുറിച്ച് അധികൃതരുടെ വെളിപ്പെടുത്തല്‍. എമിറേറ്റ്‌സിന്റെ വജ്രം പതിപ്പിച്ച ഈ വിമാനത്തെ നോക്കി അത്ഭുതപെടാത്തവര്‍ ആരും തന്നെയുണ്ടാവില്ല. അത്രത്തോളം സമൂഹമാധ്യമങ്ങളില്‍ ചര്‍ച്ചയായിരുന്നു ഈ വിമാനം. വജ്രം പതിച്ച എമിറേറ്റ്‌സിന്റെ ഒരു വിമാനമാണ് ഇപ്പോഴത്തെ വൈറല്‍ താരം. ഒടുവില്‍ എമിറേറ്റ്‌സ് അധികൃതര്‍ തന്നെ വജ്രവിമാനത്തിന്റെ പിന്നിലുള്ള സത്യം വെളിപ്പെടുത്തിരംഗത്ത് വന്നിരിക്കുകയാണ്.
സാറ ഷക്കീല്‍ എന്ന കലാകാരി തയാറാക്കിയ ഒരു ചിത്രമാണ് ഇതെന്നാണ് അധികൃതരുടെ വെളിപ്പെടുത്തല്‍. ഡിസംബര്‍ നാലിനാണ് സാറ ഈ ചിത്രം ഇന്‍സ്റ്റഗ്രാമില്‍ പങ്കുവച്ചത്. 4.8 ലക്ഷം ഫോളോവേഴ്സുള്ള സാറയുടെ ഈ വജ്രവിമാനത്തിന് 54,000ലധികം ലൈക്കുകളാണ് ലഭിച്ചത്. ഇത്തരത്തിലുള്ള ‘തിളങ്ങുന്ന ചിത്രങ്ങള്‍’ വേറെയും സാറ ഇന്‍സ്റ്റഗ്രാമില്‍ പങ്കുവച്ചിട്ടുണ്ട്. ഏതായാലും വജ്രവിമാനം സമൂഹമാധ്യമങ്ങളില്‍ വജ്രശോഭയോടെ ഇപ്പോഴും പറക്കുകയാണ്. ഒരു കലാസൃഷ്ടിയാണെന്ന സത്യം അറിയാതെ.
Presenting the Emirates ‘Bling’ 777. Image created by Sara Shakeel ??? pic.twitter.com/zDYnUZtIOS
— Emirates Airline (@emirates) December 4, 2018
