ബസും വാനും കൂട്ടിയിടിച്ച് സ്ത്രീകളുള്‍പ്പെടെ നാലുപേര്‍ മരിച്ചു

മലപ്പുറം: മലപ്പുറത്ത് ബസും വാനും കൂട്ടിയിടിച്ചുണ്ടായ അപകടത്തില്‍ രണ്ടു സ്ത്രീകളുള്‍പ്പെടെ നാലുപേര്‍ മരിച്ചു. മമ്പാട് പൊങ്ങല്ലൂര്‍ പാലത്തിനു സമീപമാണ് അപകടം ഉണ്ടായത്. സാരമായി പരുക്കേറ്റ മൂന്നുപേരെ കോഴിക്കോട് മെഡിക്കല്‍ കോളജ് ആശുപത്രിയിലേക്കു കൊണ്ടുപോയി. ഒരാളെ നിലമ്പൂര്‍ ജില്ലാ ആശുപത്രിയിലും ഏതാനും പേരെ മഞ്ചേരി മെഡിക്കല്‍ കോളജിലും പ്രവേശിപ്പിച്ചു. എടവണ്ണ സ്വദേശി അക്ബര്‍ എന്നയാളും ബന്ധുക്കളുമാണ് വാനിലുണ്ടായിരുന്നത്. എടവണ്ണയിലെ സ്വകാര്യ ആശുപത്രിയില്‍ പോയി മടങ്ങിയവരാണ് അപകടത്തില്‍പ്പെട്ടതെന്നു കരുതുന്നു.