BREAKING NEWS

‘ആരും പുറത്തിറങ്ങരുത്; വീടുകൾക്കുള്ളിൽ തന്നെ കഴിയണം’; എയർ റെയ്ഡ് മുന്നറിയിപ്പിന് പിന്നാലെ റിയാദിൽ സ്ഫോടന ശബ്ദങ്ങൾ; ഹൂതികൾ സൗദി അറേബ്യയുടെ എണ്ണക്കപ്പലുകൾക്ക് നേരെ ഉപരോധം പ്രഖ്യാപിച്ചു

· · 1 min read
Share: Copied!

റിയാദ്: സൗദി അറേബ്യൻ തലസ്ഥാനമായ റിയാദിൽ ശനിയാഴ്ച പുലർച്ചെ വൻ സ്ഫോടന ശബ്ദങ്ങൾ കേട്ടതായി വാർത്താ ഏജൻസിയായ എഎഫ്പി റിപ്പോർട്ട് ചെയ്തു. മേഖലയിൽ ശത്രുപക്ഷത്തിന്റെ വ്യോമാക്രമണ ഭീഷണിയുണ്ടെന്ന് അധികൃതർ മുന്നറിയിപ്പ് നൽകിയതിന് പിന്നാലെയാണ് സ്ഫോടന ശബ്ദങ്ങൾ കേട്ടത്.

പുലർച്ചെ മൂന്നുമണിയോടെ റിയാദിലെ ജനങ്ങളുടെ മൊബൈൽ ഫോണുകളിലേക്ക് എയർ റെയ്ഡ് മുന്നറിയിപ്പ് സന്ദേശം എത്തി. മേഖല ശത്രുപക്ഷത്തിന്റെ വ്യോമാക്രമണ ഭീഷണിയിലാണെന്നും ജനങ്ങൾ വീടുകൾക്കുള്ളിൽ തന്നെ കഴിയണമെന്നുമായിരുന്നു സന്ദേശം. ഇതിന് പിന്നാലെ രണ്ട് ശക്തമായ സ്ഫോടന ശബ്ദങ്ങൾ കേട്ടതായി എഎഫ്പി റിപ്പോർട്ട് ചെയ്തു. ഏകദേശം അരമണിക്കൂറിന് ശേഷം സൗദി സിവിൽ ഡിഫൻസ് മുന്നറിയിപ്പ് പിൻവലിച്ചു.

ജൂലൈയിൽ യെമനിലെ പോരാട്ടം രൂക്ഷമായതിന് ശേഷം റിയാദിന് നേരെ നേരിട്ട് ആക്രമണ ഭീഷണി ഉയരുന്നത് ആദ്യമായാണെന്നാണ് റിപ്പോർട്ട്. ബാബ് അൽ മന്ദബ് കടലിടുക്കിന്റെ നിയന്ത്രണം കൈവശപ്പെടുത്തിയതായി അവകാശപ്പെടുന്ന ഹൂതികൾ സൗദി അറേബ്യയുടെ എണ്ണക്കപ്പലുകൾക്ക് നേരെ ഉപരോധം പ്രഖ്യാപിച്ചിട്ടുണ്ട്. ഇതിന് പിന്നാലെ ചെങ്കടൽ വഴിയുള്ള സൗദിയുടെ എണ്ണ കയറ്റുമതിയിൽ വലിയ കുറവുണ്ടായതായി നാവിക നിരീക്ഷണ ഏജൻസിയായ ക്ലെപ്ലർ വ്യക്തമാക്കിയിരുന്നു.

സൗദി കപ്പലുകൾ ഒഴികെയുള്ള അന്താരാഷ്ട്ര ചരക്കുകപ്പലുകൾക്ക് ബാബ് അൽ മന്ദബ് വഴി സുരക്ഷിതമായി കടന്നുപോകാമെന്നാണ് ഹൂതികളുടെ നിലപാട്. അതേസമയം, യെമനിൽ പോരാട്ടം വീണ്ടും ശക്തമായതോടെ 1.12 ലക്ഷത്തിലധികം പേർക്ക് വീടുകൾ നഷ്ടപ്പെട്ടതായും മൂവായിരത്തോളം പേർ കടൽമാർഗം ജിബൂട്ടിയിലേക്ക് പലായനം ചെയ്തതായും ഐക്യരാഷ്ട്രസഭ വെള്ളിയാഴ്ച അറിയിച്ചു.

ഇതിനിടെ സൗദി അറേബ്യയുടെ എഫ്-15 യുദ്ധവിമാനം വെടിവെച്ചിട്ടതായി ഹൂതികൾ അവകാശപ്പെട്ടു. യെമനിലെ മാരിബ് പ്രവിശ്യയിൽ തങ്ങളുടെ വ്യോമപ്രതിരോധ സേനയാണ് വിമാനം തകർത്തതെന്നാണ് ഹൂതി സൈനിക വക്താവ് യാഹ്യ സാരീയുടെ അവകാശവാദം. പ്രാദേശികമായി നിർമിച്ച മിസൈൽ ഉപയോഗിച്ചാണ് വിമാനം വീഴ്ത്തിയതെന്നും അദ്ദേഹം പറഞ്ഞു.

ഹൂതികൾ പുറത്തുവിട്ട നാല് മിനിറ്റ് ദൈർഘ്യമുള്ള വീഡിയോയിൽ വിമാനം ലക്ഷ്യമിടുന്ന ദൃശ്യങ്ങളും പിന്നീട് തകർന്നുവീണ വിമാനത്തിന്റെ അവശിഷ്ടങ്ങൾക്ക് സമീപം ആയുധങ്ങളുമായി ഹൂതി പോരാളികൾ നിൽക്കുന്നതും കാണാം. തങ്ങളുടെ വ്യോമപരിധിയിൽ അതിക്രമിച്ച് കയറി ശത്രുതാപരമായ നീക്കങ്ങൾ നടത്തിയതിനെ തുടർന്നാണ് ആക്രമണം നടത്തിയതെന്നാണ് ഹൂതികളുടെ വിശദീകരണം. യുദ്ധവിമാനം തകർത്തതുമായി ബന്ധപ്പെട്ട ഹൂതി അവകാശവാദത്തിന് സ്വതന്ത്ര സ്ഥിരീകരണം ലഭിച്ചിട്ടില്ല.

പരീക്ഷാ ഹാളിൽ മൊബൈൽ ഉപയോ​ഗിച്ചു, ചോദ്യപേപ്പർ ചാറ്റിജിപിടി ഇട്ട് ഉത്തരങ്ങൾ തേടി, പിടിക്കപ്പെട്ടതോടെ ഐഐടി വിദ്യാർഥി ജീവനൊടുക്കി!! എന്റെ മകനെ കൊലപ്പെടുത്തിയതാണ്, അവൻ കടുത്ത പീഡനത്തിന് ഇരയായി- വിദ്യാർഥിയുടെ അമ്മ, ഏഴുമാസത്തിനിടെ ഐഐടി ബോംബെയിൽ ആത്മഹത്യ ചെയ്തത് മൂന്ന് വിദ്യാർഥികൾ

BREAKING NEWS
സ്കൂട്ടറിനു പിന്നിൽ കണ്ടെയ്‌നർ ട്രക്കിടിച്ചു, 32കാരിക്ക് ദാരുണാന്ത്യം
20 Nov 2026
BREAKING NEWS
രണ്ട് പെൺമക്കളുടെ അമ്മ, പക്ഷേ മുംബൈയിൽ 40 വർഷമായി ഒറ്റയ്ക്ക്; മരണത്തിനു പിന്നാലെ മക്കളെ തേടി പത്രപരസ്യം നല്കി അയൽവാസികൾ, നൊമ്പരമായി കുറിപ്പ്
20 Nov 2026
BREAKING NEWS
"ദൈവത്തെയോർത്ത് ബിജെപി വിടരുത്, അവർക്ക് അങ്ങനെയെങ്കിലും ഒരു ശിക്ഷയിരിക്കട്ടെ, ഇനി ഇയാള് കൂടി അവിടം വിട്ട് ഇങ്ങോട്ട് വണ്ടിപിടിച്ച് ബുദ്ധിമുട്ടാക്കരുത്, പ്ലീസ് അനിൽ ജീ... അങ്ങ് ബിജെപി വിടാതിരിക്കാൻ വേണമെങ്കിൽ കൃപാസനത്തിൽ ഞാനും പ്രാർത്ഥിക്കാം, എന്റെ മാതാവേ ഇയാൾക്ക് ബുദ്ധി കൊടുക്കല്ലേ"... അനിൽ ആൻ്റണി...
20 Nov 2026
BREAKING NEWS
'ഇത് കണ്ട് മുഖ്യമന്ത്രിക്ക് കരച്ചിൽ വരുമോയെന്ന് അറിയില്ല, മുഖ്യമന്ത്രി കരയുന്നത് ഞങ്ങൾക്ക് ഇഷ്ടമല്ല'; പരിഹാസവുമായി ജയകൃഷ്ണൻ; ആരോഗ്യപ്രശ്നങ്ങൾ രൂക്ഷമായതിനെ തുടർന്ന് നിരാഹാരം അവസാസാനിപ്പിച്ചു; എൽപിഎസ്‌ടി സമരം തുടരും
20 Nov 2026