​ഗർഭിണിയേയും കൊണ്ട് ആശുപത്രിയിലേക്ക് പോകവേ ആംബുലൻസിന് തീപിടിച്ചു; ഓ​ക്സി​ജ​ൻ സി​ലി​ണ്ട​ർ പൊ​ട്ടി​ത്തെ​റി​ച്ചു; യുവതിയും കുടുംബവും രക്ഷപ്പെട്ടു, സ്ഫോടന ആഘാതത്തിൽ സമീപ വീടുകളിലെ ജനലുകൾ തകർന്നു

മും​ബൈ: മ​ഹാ​രാ​ഷ്ട്ര​യി​ൽ ​ഗർഭിണിയായ യുവതിയേയും കൊണ്ട് ആശുപത്രിയിലേക്ക് പോകുന്ന വഴിയിൽ ആം​ബു​ല​ൻ​സി​ന് തീ​പി​ടി​ച്ചു. ആംബുലൻസിലുണ്ടായിരുന്ന ഓ​ക്സി​ജ​ൻ സി​ലി​ണ്ട​ർ പൊ​ട്ടി​ത്തെ​റി​ച്ച് അ​പ​ക​ടം. ജ​ൽ​ഗാ​വ് ജി​ല്ല​യി​ലാ​ണ് സം​ഭ​വം. അ​പ​ക​ട​ത്തി​ൽ നിന്ന് ഗ​ർ​ഭി​ണി​യാ​യ യു​വ​തി​യും കു​ടും​ബ​വും ത​ല​നാ​രി​ഴ​യ്ക്ക് ര​ക്ഷ​പെ​ട്ടു.

ഡോക്റ്ററുടെ നിർദ്ദേശപ്രകാരം ​യുവ​തി​യെ എ​ര​ണ്ടോ​ൾ സ​ർ​ക്കാ​ർ ആ​ശു​പ​ത്രി​യി​ൽ നി​ന്ന് ജ​ൽ​ഗാ​വ് ജി​ല്ലാ ആ​ശു​പ​ത്രി​യി​ലേ​ക്ക് കൊ​ണ്ടു​പോ​കു​ന്ന​തി​നി​ടെ ദാ​ദാ വാ​ദി മേ​ഖ​ല​യി​ലെ ദേ​ശീ​യ പാ​ത​യി​ലെ മേ​ൽ​പ്പാ​ല​ത്തി​ലാ​ണ് സം​ഭ​വം.

ആം​ബു​ല​ൻ​സി​ന്‍റെ എ​ഞ്ചി​നാ​ണ് ആദ്യം തീ​പി​ടി​ച്ച​ത്. തീ ​ക​ണ്ട​യു​ട​ൻ ത​ന്നെ ഡ്രൈ​വ​ർ വാ​ഹ​നം നി​ർ​ത്തി ഗ​ർ​ഭി​ണി​യാ​യ യു​വ​തി​യെ​യും കൂടെയുണ്ടായിരുന്ന രണ്ടു ബന്ധുക്കളേയും പു​റ​ത്തി​റ​ക്കി. തു​ട​ർ​ന്ന് ഇ​വ​രെ സു​ര​ക്ഷി​ത​മാ​യ ദൂ​ര​ത്തേ​ക്ക് മാ​റ്റി നി​ർ​ത്തി.

നി​മി​ഷ​ങ്ങ​ൾ​ക്കു​ള്ളി​ൽ ത​ന്നെ വാ​ഹ​നം പൂ​ർ​ണ​മാ​യി ക​ത്തി​യെ​രി​യു​ക​യും സി​ലി​ണ്ട​ർ പൊ​ട്ടി​ത്തെ​റി​ക്കു​ക​യും ചെ​യ്തു. സ്‌​ഫോ​ട​ന​ത്തി​ന്‍റെ ആ​ഘാ​ത​ത്തി​ൽ സ​മീ​പ​ത്തെ ചി​ല വീ​ടു​ക​ളു​ടെ ജ​ന​ൽ ചി​ല്ലു​ക​ൾ ത​ക​ർ​ന്നു. വാ​ഹ​ന​ത്തി​ന് തീ​പി​ടി​ക്കാ​നു​ണ്ടാ​യ കാ​ര​ണം വ്യ​ക്ത​മ​ല്ല.

Watch: A fire broke out in an ambulance carrying a pregnant woman in Jalgaon, Maharashtra. The fire caused an oxygen cylinder inside the ambulance to explode. The blast shattered windows of nearby houses in the Dadvadi area pic.twitter.com/uMBfhC8Tj1

— IANS (@ians_india) November 14, 2024