അര്‍ജന്റീന ലോകകപ്പ് ടീമില്‍ മാറ്റമുണ്ടാകുമെന്ന് പരിശീലകന്‍, പുറത്തേയ്ക്ക് പോകുന്നത് ആരാകും?

ദോഹ: ഖത്തര്‍ ലോകകപ്പിന് മുന്നോടിയായി അര്‍ജന്റീന ടീമില്‍ മാറ്റമുണ്ടാകുമെന്ന് അറിയിച്ച് പരിശീലകന്‍ ലയണല്‍ സ്‌കലോണി. ചില താരങ്ങള്‍ പൂര്‍ണമായും ശാരീരികക്ഷമത തെളിയിക്കാത്തതിനെത്തുടര്‍ന്നാണ് പരിശീലകന്‍ ഇക്കാര്യമറിയിച്ചത്.

ശാരീരികക്ഷമത തെളിയിക്കാത്ത താരങ്ങളെ ഇന്നലെ നടന്ന യു.എ.ഇയ്‌ക്കെതിരായ സൗഹൃദമത്സരത്തില്‍ സ്‌കലോണി അര്‍ജന്റീന ടീമിലുള്‍പ്പെടുത്തിയിരുന്നില്ല. മത്സരത്തില്‍ അര്‍ജന്റീന 5-0 ന്റെ കൂറ്റന്‍ വിജയം നേടിയെങ്കിലും പ്രമുഖതാരങ്ങളുടെ പരിക്ക് ടീമില്‍ ആശങ്ക പരത്തുന്നു.

പ്രതിരോധത്തിലെ സൂപ്പര്‍താരം ക്രിസ്റ്റ്യന്‍ റൊമേറോ ടീമില്‍ നിന്ന് പുറത്താകുമോ എന്നതാണ് ആരാധകര്‍ ആശങ്കയോടെ നോക്കുന്നത്‌. യു.എ.ഇയ്‌ക്കെതിരായ മത്സരത്തില്‍ റൊമേറോ ടീമിലിടം നേടിയിരുന്നില്ല. റൊമേറോയെക്കൂടാതെ മുന്നേറ്റതാരങ്ങളായ നിക്കോളാസ് ഗോണ്‍സാലസ്, അലക്‌സാണ്ട്രോ ഗോമസ്, പൗലോ ഡിബാല എന്നിവരും മത്സരത്തില്‍ പങ്കെടുത്തിരുന്നില്ല.

‘ ഇവരെല്ലാവരും ടീമില്‍ നിന്ന് പുറത്തായെന്ന് ഞാന്‍ പറയുന്നില്ല. പക്ഷേ ചില താരങ്ങള്‍ക്ക് ശാരീരിക ബുദ്ധിമുട്ടുണ്ട്. അതുകൊണ്ടാണ് അവരെ യു.എ.ഇയ്‌ക്കെതിരായ മത്സരത്തില്‍ പുറത്തിരുത്തിയത്. കളിച്ചിരുന്നെങ്കില്‍ അവരുടെ പരിക്ക് ഗുരുതരമായേനേ’- സ്‌കലോണി വാര്‍ത്താസമ്മേളനത്തിനിടെ പറഞ്ഞു.

ആദ്യ മത്സരത്തിന് 24 മണിക്കൂര്‍ മുന്‍പ് വരെ ടീമിലെ താരങ്ങളില്‍ മാറ്റങ്ങള്‍ വരുത്താനുള്ള അനുമതി ഫിഫ എല്ലാ രാജ്യങ്ങള്‍ക്കും നല്‍കിയിട്ടുണ്ട്. നവംബര്‍ 22 നാണ് അര്‍ജന്റീനയുടെ ലോകകപ്പിലെ ആദ്യ മത്സരം. ഗ്രൂപ്പ് സിയില്‍ സൗദി അറേബ്യയാണ് ടീമിന്റെ എതിരാളി.

Similar Articles

Comments

Advertisment

Most Popular

“പ്രണയ വിലാസം തീയേറ്ററുകളിലേക്ക്

സൂപ്പർ ഹിറ്റായ " സൂപ്പർ ശരണ്യ " എന്ന ചിത്രത്തിനു ശേഷം അർജ്ജുൻ അശോകൻ,അനശ്വര രാജൻ, മമിത ബൈജു എന്നിവർ പ്രധാന കഥാപാത്രങ്ങളാകുന്ന " പ്രണയ വിലാസം ഫെബ്രുവരി 17ന്...

ബൃന്ദാ മാസ്റ്റർ സംവിധാനം ചെയ്യുന്ന പാൻ ഇന്ത്യൻ ആക്ഷൻ ചിത്രം തഗ്സിന്റെ ട്രെയിലർ റിലീസായി

പ്രേക്ഷകരിൽ ആകാംക്ഷയും ഉദ്വേഗവും ഉണർത്തി പ്രശസ്ത കൊറിയോഗ്രാഫർ ബ്രിന്ദാ മാസ്റ്റർ സംവിധാനം ചെയ്ത തഗ്‌സിന്റെ ട്രൈലെർ റിലീസായി. ആക്ഷൻ രംഗങ്ങൾ കൊണ്ട് സമ്പൂർണമായ ട്രെയ്ലർ ദുൽഖർ സൽമാൻ, വിജയ് സേതുപതി, കീർത്തി സുരേഷ്...

ധോണി എന്റർടെയ്ൻമെന്റിന്റെ ആദ്യ ചിത്രമായ ‘എൽ.ജി.എം’ ചിത്രീകരണം ആരംഭിച്ചു !

സാക്ഷിയും മഹേന്ദ്ര സിംഗ് ധോണിയുടെ പ്രൊഡക്ഷൻ ഹൗസായ ധോണി എന്റർടെയ്ൻമെന്റും ചേർന്ന് നിർമ്മിക്കുന്ന 'എൽ.ജി.എം' ന്റെ ചിത്രീകരണം ഇന്ന് മുതൽ ആരംഭിച്ചു, ഇന്ന് ചെന്നൈയിൽ വെച്ച് പൂജാ ചടങ്ങുകളോടെ ആയിരുന്നു ചിത്രീകരണത്തിന്...