അജ്ഞാത വിലാസത്തിൽ വിത്തുകൾ ലഭിച്ചുവോ? എന്നാൽ അവ ഉപയോഗിക്കരുതെന്ന് കേന്ദ്ര സർക്കാരിന്റെ മുന്നറിയിപ്പ്. പച്ചക്കറി, പഴവർഗങ്ങളുടെ വിത്തുകളാണ് ഇത്തരത്തിൽ അജ്ഞാത മേൽവിലാസത്തിൽ ലഭിക്കുന്നത്. ഇത് ദോഷം ചെയ്യുമെന്ന് കേന്ദ്ര കൃഷി വകുപ്പ് പറയുന്നു.
ഈ വിത്തുകൾ മണ്ണിന് ദോഷം ചെയ്യുമെന്നും അതിനാൽ കത്തിച്ച് കളയണമെന്നുമാണ് ഓഫീസർമാർക്ക് നിർദേശം ലഭിച്ചിരിക്കുന്നത്. മണ്ണിന്റെ വളക്കൂറ് നഷ്ടപ്പെടാനും വിള നാശത്തിനും ഈ വിത്തുകളിലുള്ള ഘടകങ്ങൾ കാരണമാകുമെന്നാണ് വിവരം. ഇത്തരം വിത്തുകൾ ലഭിച്ചാൽ കൃഷിഭവനെ വിവരം അറിയിക്കണമെന്നും മുന്നറിയിപ്പുണ്ട്.
