മുന്നില്‍ സാനിറ്റൈസര്‍; അണുനാശിനി തളിക്കും; സാമൂഹിക അകലം പാലിക്കുക; ബീവറേജസ് തുറക്കാന്‍ തയാറെടുത്ത് സര്‍ക്കാര്‍

തിരുവനന്തപുരം: ലോക്ഡൗണ്‍ തുടരുമ്പോള്‍ വരുന്ന തിങ്കളാഴ്ച മുതല്‍ ബീവറേജസ് കോര്‍പ്പറേഷന്റെ ഔട്ട്‌ലെറ്റുകള്‍ തുറക്കാനൊരുങ്ങി സര്‍ക്കാര്‍. കടുത്ത നിയന്ത്രണങ്ങള്‍ പ്രഖ്യാപിക്കപ്പെടുന്നില്ലെങ്കില്‍ നല്‍കിയിരിക്കുന്ന മാര്‍ഗനിര്‍ദേശം അനുസരിച്ച് മെയ് 4 മുതല്‍ ഔട്ട്‌ലെറ്റുകള്‍ തുറന്നു പ്രവര്‍ത്തിക്കാനാകുമെന്ന് കോര്‍പ്പറേഷന്‍ പുറത്തിറക്കിയ സര്‍ക്കുലറില്‍ പറയുന്നു. മാര്‍ച്ച് 24 മുതല്‍ ഔട്ട്‌ലെറ്റുകള്‍ അടഞ്ഞു കിടക്കുകയാണ്.

തുറക്കുമ്പോള്‍ സ്വീകരിക്കേണ്ട മുന്‍കരുതല്‍ നടപടികള്‍ ചൂണ്ടിക്കാട്ടിക്കൊണ്ട്് ഔട്ട്‌ലെറ്റ് മാനേജര്‍മാര്‍ക്ക് ബീവറേജസ് എംഡി സ്പര്‍ജന്‍ കുമാര്‍ കത്തു നല്‍കി. സാമൂഹ്യ അകലം പാലിക്കുക, മുന്നില്‍ സാനിറ്റൈസറും ഹാന്‍ഡ്‌വാഷും വെയ്ക്കുക. തുറക്കുന്നതിന് മുമ്പായി വെയര്‍ഹൗസും ഔട്ട്‌ലെറ്റുകളും അണുനാശിനി തളിക്കുക എന്നിവയാണ് നല്‍കിയിരിക്കുന്ന പത്തിന നിര്‍ദേശങ്ങളില്‍ പ്രധാനപ്പെട്ടത്.

നിര്‍ദേശങ്ങള്‍ മാനേജര്‍മാര്‍ പാലിച്ചിട്ടുണ്ടെന്ന് ഓഡിറ്റര്‍മാര്‍ പരിശോധന നടത്തി ഉറപ്പ് വരുത്തണം. ലോക്ഡൗണ്‍ തുടങ്ങിയ ശേഷം ബീവറേജസ് ഔട്ട്‌ലെറ്റുകള്‍ തുറക്കാനും മദ്യവിതരണം തടസ്സമില്ലാതെ നടത്താനും സര്‍ക്കാര്‍ പല രീതിയിലുള്ള ശ്രമങ്ങള്‍ നടത്തിയിരുന്നെങ്കിലും ഒന്നും നടന്നിരുന്നില്ല.

ലോക്ഡൗണില്‍ പെട്ട് മദ്യം കിട്ടാതെ ആള്‍ക്കാര്‍ ആത്മഹത്യ ചെയ്യുന്ന സംഭവം വരെ ഉണ്ടായ സാഹചര്യത്തില്‍ വീടുകളില്‍ മദ്യം കൊണ്ടു ചെന്ന് നല്‍കാനുള്ള സാധ്യത സര്‍ക്കാര്‍ പരിശോധിച്ചു. പിന്നീട് ഡോക്ടറുടെ കുറിപ്പടി വെച്ച് ഗോഡൗണുകളില്‍ നിന്നും നല്‍കാനുള്ള നീക്കം നടത്തിയെങ്കിലും ഹൈക്കോടതി സ്‌റ്റേ ചെയ്തതോടെ അതും അടഞ്ഞിരുന്നു.

Similar Articles

Comments

Advertismentspot_img

Most Popular


Fatal error: Uncaught wfWAFStorageFileException: Unable to verify temporary file contents for atomic writing. in /home/pathramonline/public_html/wp-content/plugins/wordfence/vendor/wordfence/wf-waf/src/lib/storage/file.php:51 Stack trace: #0 /home/pathramonline/public_html/wp-content/plugins/wordfence/vendor/wordfence/wf-waf/src/lib/storage/file.php(658): wfWAFStorageFile::atomicFilePutContents('/home/pathramon...', '<?php exit('Acc...') #1 [internal function]: wfWAFStorageFile->saveConfig('synced') #2 {main} thrown in /home/pathramonline/public_html/wp-content/plugins/wordfence/vendor/wordfence/wf-waf/src/lib/storage/file.php on line 51