ആദ്യമെല്ലാം അഭിനയിക്കാന്‍ എനിക്കും ഇഷ്ടമില്ലായിരുന്നു, തന്നെപ്പോലെ സിനിമയില്‍ പെട്ടുപോയ ആളാണ് മകന്‍ പ്രണവ് എന്നും് മോഹന്‍ലാല്‍. അഭിനയിക്കാന്‍ ഒട്ടും താത്പര്യമില്ലായിരുന്നുവെന്നും പെട്ടുപോയതാണെന്നുമാണ് പ്രണവ് ആദ്യം പറഞ്ഞതെന്ന് മോഹന്‍ലാല്‍ വ്യക്തമാക്കി. ഒരു അഭിമുഖത്തിലായിരുന്നു മോഹന്‍ലാല്‍ ഇക്കാര്യം പറഞ്ഞത്.
‘പ്രണവിന് അഭിനയിക്കാന്‍ അത്ര താത്പര്യമില്ലായിരുന്നു. പെട്ടുപോയി എന്നാണ് ആദ്യം പറഞ്ഞിരുന്നത്. സാവധാനം സിനിമയിലേക്ക് വരികയാണ്, ഇനി ഇഷ്ടപ്പെട്ടു തുടങ്ങണം. ഞാനും സിനിമയില്‍ പെടുകയായിരുന്നു. ആദ്യമെല്ലാം അഭിനയിക്കാന്‍ എനിക്കും ഇഷ്ടമില്ലായിരുന്നു, പിന്നെ ആ ഒഴുക്കില്‍ പെട്ടുപോയി,’ മോഹന്‍ലാല്‍ പറഞ്ഞു.
പ്രണവിന്റെ തലമുറയ്ക്ക് ഏറെ സാധ്യതകളുണ്ടെന്നും കൂടുതല്‍ യാത്ര ചെയ്യാന്‍ മകന്റെ പ്രായത്തില്‍ താനും ആഗ്രഹിച്ചിരുന്നെങ്കിലും പല കാരണങ്ങള്‍ കൊണ്ട് കഴിയാതെ പോയെന്നും പ്രണവിന്റെ യാത്രകള്‍ കാണുമ്പോള്‍ തനിക്കും സന്തോഷം തോന്നാറുണ്ടെന്നും മോഹന്‍ലാല്‍ പറയുന്നു.
