കോഴിക്കോട്: ഫറൂഖ് കോളെജില്‍ വിദ്യാര്‍ഥികള്‍ക്ക് നേരെ അധ്യാപകരുടെ ക്രൂരമര്‍ദ്ദനം. കോളെജിലെ ഹോളി ആഘോഷത്തെ ചൊല്ലിയുള്ള തര്‍ക്കമാണ് സംഘര്‍ഷത്തില്‍ കലാശിച്ചത്. സംഭവത്തില്‍ മൂന്ന് വിദ്യാര്‍ഥികള്‍ക്ക് പരിക്കേറ്റു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു.
അതേസമയം അധ്യാപകര്‍ ക്രൂരമായി മര്‍ദ്ദിച്ചെന്ന് വിദ്യാര്‍ഥികള്‍ ആരോപിച്ചു. വടിയും പൈപ്പും ഉപയോഗിച്ചാണ് അധ്യാപകര്‍ മര്‍ദ്ദിച്ചെതന്ന് വിദ്യാര്‍ഥികള്‍ പറഞ്ഞു.
എന്നാല്‍ അപകടകരമാം വിധത്തില്‍ കാര്‍ ഓടിച്ചതാണ് പ്രശ്നങ്ങള്‍ക്ക് കാരണമെന്ന് കോളെജ് അധികൃതര്‍ അറിയിച്ചു. സംഭവത്തില്‍ കോളജ് ജീവനക്കാരനു പരിക്കേറ്റുവെന്നും അധികൃതര്‍ കൂട്ടിച്ചേര്‍ത്തു.
