പ്രിയദര്‍ശന്റ മകള്‍ കല്യാണി മൊബൈല്‍ നമ്പര്‍ എഴുതി നല്‍കി…. , പണികിട്ടിയത് ഈ യുവാവിന്

സംവിധായകന്‍ പ്രിയദര്‍ശന്റെ മകള്‍ കല്യാണി പ്രിയദര്‍ശന്‍ നല്‍കിയ എട്ടിന്റെ പണിയില്‍ വലഞ്ഞത് രാജ്യ തലസ്ഥാനത്ത് ഒരു യുവാവ്. കല്യാണി നായികയായ തെലുങ്ക് ചിത്രം ‘ഹലോ’ എന്ന ചിത്രമാണ് ഈ യുവാവിന് തലവേദനയായിരിക്കുന്നത്. ഗുരുഗ്രാമിലെ കമ്പ്യൂട്ടര്‍ ഓപ്പറേറ്ററായ വികാസ് പ്രജാപതിയാണ് ചിത്രത്തിലെ ‘ഒരു മൊബൈല്‍ നമ്പര്‍’ കൊടുത്ത എട്ടിന്റെ പണിയില്‍ വലഞ്ഞിരിക്കുന്നത്. ചിത്രം പുറത്തിറങ്ങിയ ഡിസംബര്‍ 22 മുതല്‍ വികാസിന്റെ മൊബൈല്‍ നമ്പരിലേക്ക് നൂറുകണക്കിന് ‘ആരാധകരു’ടെ കോളുകളാണ് എത്തുന്നത്.

ചിത്രത്തിലെ ഒരു രംഗത്തില്‍ കല്യാണിയ്ക്ക് നൂറുരൂപ നോട്ടില്‍ എഴുതി നല്‍കുന്ന മൊബൈല്‍ നമ്പര്‍ വികാസിന്റേതാണ് എന്നതാണ് ‘ഈ സംഭവ കഥ’യിലെ ട്വിസ്റ്റ്. ദിനംപ്രതി വരുന്ന കോളുകളിലെ മറുതലയ്ക്കല്‍ ആദ്യം കേള്‍ക്കുന്നത് ‘താങ്കളുടെ ആരാധകനാണ് ഞാന്‍’ എന്ന വാക്യമാണ്. ചിലര്‍ വിളിച്ച് ഉടന്‍ തന്നെ കല്യാണിയെ അന്വേഷിക്കാറുണ്ടെന്നും വികാസ് സാക്ഷ്യപ്പെടുത്തുന്നു.

ഫോണിന്റെ നിര്‍ത്താതെയുള്ള തൊല്ല ചില്ലറ പൊല്ലാപ്പൊന്നുമല്ല വികാസിന് സൃഷ്ടിച്ചിരിക്കുന്നത്. വീട്ടിലും ഓഫീസിലും എല്ലാം ഇത് വികാസിന് വന്‍ പ്രശ്‌നമായി മാറിയിരിക്കുകയാണെന്നും വികാസിന്റെ അഡ്വക്കേറ്റ് ചൂണ്ടിക്കാട്ടുന്നു. ത?ന്റെ കക്ഷിയെ അനാവശ്യമായി മാനസിക സമ്മര്‍ദ്ദത്തിലാഴ്ത്തിയെന്ന കാരണം ചൂണ്ടിക്കാട്ടി ചിത്രത്തി?ന്റെ അണിയറ പ്രവര്‍ത്തകര്‍ക്കെതിരെ നിയമപരമായി നീങ്ങാനൊരുങ്ങുകയാണെന്ന് ? വികാസിന്റെ അഡ്വക്കേറ്റ് വ്യക്തമാക്കി. ഇതിന് പരിഹാരമായി അന്‍പത് ലക്ഷം രൂപ നല്‍കണമെന്ന് കാട്ടി ഇക്കഴിഞ്ഞ 19ന് ? സിനിമാ നിര്‍മ്മാതാവിന് നോട്ടീസ് അയച്ചിരുന്നു.

‘ഫോണ്‍ ഓണായിരുന്നാല്‍ നിര്‍ത്താതെയുള്ള കോളുകളാണ്. അത് സഹിക്കാവുന്നതിലും അപ്പുറമായിരിക്കുകയാണ്. കല്യാണി സുന്ദരിയാണ്, പക്ഷേ അവളുടെ ആരാധകര്‍ എന്റെ ജീവിതം വെച്ചാണ് കളിക്കുന്നത് എന്നറിയുന്നില്ല. തനിക്ക് ഈ നമ്പര്‍ മാറ്റാനാകില്ല. കാരണം കഴിഞ്ഞ അഞ്ച് വര്‍ഷമായി ഉപയോഗിക്കുന്ന നമ്പരാണിത്. എല്ലാ ഔദ്യോകിക കാര്യങ്ങള്‍ക്കും ഉപയോഗിച്ചിരിക്കുന്നത് ഈ നമ്പരാണ്’ വികാസ് പറഞ്ഞു.

Similar Articles

Comments

Advertisment

Most Popular

ബൃന്ദാ മാസ്റ്റർ സംവിധാനം ചെയ്യുന്ന പാൻ ഇന്ത്യൻ ആക്ഷൻ ചിത്രം തഗ്സിന്റെ ട്രെയിലർ റിലീസായി

പ്രേക്ഷകരിൽ ആകാംക്ഷയും ഉദ്വേഗവും ഉണർത്തി പ്രശസ്ത കൊറിയോഗ്രാഫർ ബ്രിന്ദാ മാസ്റ്റർ സംവിധാനം ചെയ്ത തഗ്‌സിന്റെ ട്രൈലെർ റിലീസായി. ആക്ഷൻ രംഗങ്ങൾ കൊണ്ട് സമ്പൂർണമായ ട്രെയ്ലർ ദുൽഖർ സൽമാൻ, വിജയ് സേതുപതി, കീർത്തി സുരേഷ്...

ധോണി എന്റർടെയ്ൻമെന്റിന്റെ ആദ്യ ചിത്രമായ ‘എൽ.ജി.എം’ ചിത്രീകരണം ആരംഭിച്ചു !

സാക്ഷിയും മഹേന്ദ്ര സിംഗ് ധോണിയുടെ പ്രൊഡക്ഷൻ ഹൗസായ ധോണി എന്റർടെയ്ൻമെന്റും ചേർന്ന് നിർമ്മിക്കുന്ന 'എൽ.ജി.എം' ന്റെ ചിത്രീകരണം ഇന്ന് മുതൽ ആരംഭിച്ചു, ഇന്ന് ചെന്നൈയിൽ വെച്ച് പൂജാ ചടങ്ങുകളോടെ ആയിരുന്നു ചിത്രീകരണത്തിന്...

ഇരട്ട: പ്രൊമോ സോങ് റിലീസായി

പ്രേക്ഷകരെ ആകാംഷയുടെ മുൾമുനയിൽ നിർത്തിയാണ് മാർട്ടിൻ പ്രക്കാട്ടും ജോജു ജോർജും ഒന്നിക്കുന്ന ഇരട്ടയുടെ ട്രൈലെർ റിലീസായത്. ഇപ്പോൾ ചിത്രത്തിന്റെ റിലീസ് ഫെബ്രുവരി മൂന്നിന് പ്രഖ്യാപിച്ചുകൊണ്ടുള്ള പ്രൊമോ സോങ് ആണ് റിലീസായിരിക്കുന്നത്‌. മലയാളിക്ക് പ്രിയപ്പെട്ട...