നിങ്ങളുടെ ഹൃദയത്തില്‍ ചെറിയൊരിടം എനിക്ക് നല്‍കിയതിന് നന്ദി, 14 വര്‍ഷത്തെ സിനിമാ ജീവിതത്തില്‍ കൂടെ നിന്ന ആരാധകര്‍ക്ക് നന്ദി പറഞ്ഞ് നയന്‍താര

സിനിമയില്‍ 14 വര്‍ഷങ്ങള്‍ പൂര്‍ത്തിയാക്കിയ നയന്‍സ് തന്റെ നേട്ടങ്ഹള്‍ക്കെല്ലാം നന്ദി പറയുന്നത് ആരാധകരോടാണ്. 2017 കഴിഞ്ഞ് പുതുവര്‍ഷത്തേക്ക് കടന്നപ്പോള്‍ സ്വന്തം കൈപ്പടയില്‍ എഴുതിയ കത്തിലൂടെ ആരാധകരോടുള്ള തന്റെ നന്ദി അറിയിച്ചിരിക്കുകയാണ് നയന്‍സ്.

നയന്‍താരയുടെ വാക്കുകള്‍

‘എന്റെ ഈ ജീവിതം അര്‍ത്ഥപൂര്‍ണമാക്കിയ എല്ലാ ആരാധകര്‍ക്കും എന്റെ നന്ദിയും പുതുവര്‍ഷത്തില്‍ ഹൃദയം നിറഞ്ഞ ആശംസകളും നേരുന്നു. ആത്മാര്‍ത്ഥതയും നിരുപാധികമായ സ്നേഹവും നിലനില്‍ക്കുന്നുവെന്ന് എന്നെ വിശ്വസിപ്പിച്ചത് നിങ്ങളാണ്. എന്നോടുളള നിങ്ങളുടെ സ്നേഹം സുന്ദരമാണെന്ന് വീണ്ടും വീണ്ടും തെളിയിക്കുന്നു. കഠിനമായി അധ്വാനിക്കുക, ബാക്കി ദൈവത്തിന് വിട്ടുകൊടുക്കുക ഇതെനിക്ക് മനസ്സിലാക്കി തന്നത് നിങ്ങളാണ്. നിങ്ങള്‍ എന്നോട് കാണിച്ച സ്നേഹത്തിനും പിന്തുണയ്ക്കും എനിക്ക് ചെയ്യാന്‍ കഴിയുന്നത് നന്നായി പ്രയത്നിക്കുക മാത്രമാണ്. നിങ്ങളെ രസിപ്പിക്കുന്ന സിനിമകള്‍ മാത്രമല്ല, മറിച്ച് സാമൂഹിക പ്രതിബദ്ധതയുളള അറാം പോലെയുളള സിനിമകള്‍ ചെയ്യാനുളള ഉത്തരവാദിത്തം എനിക്കുണ്ട്. സ്നേഹവും പോസിറ്റിവിറ്റിയും നിറഞ്ഞ ഒരു വര്‍ഷമായിരുന്നു 2017. ഞാനിന്ന് നില്‍ക്കുന്നിടത്ത് എത്താന്‍ കാരണക്കാര്‍ നിങ്ങളാണ്. നിങ്ങളുടെ ഹൃദയത്തില്‍ ചെറിയൊരിടം എനിക്ക് നല്‍കിയതിന് നന്ദി”. നയന്‍സ് കത്തില്‍ കുറിച്ചിരിക്കുന്നു.

Similar Articles

Comments

Advertisment

Most Popular

“കാസർഗോൾഡ് ” മോഷൻ ഡിജിറ്റൽ പോസ്റ്റർ റിലീസ്

ആസിഫ് അലി, സണ്ണി വെയ്ൻ,ഷൈൻ ടോം ചാക്കോ,വിനായകൻ, മാളവിക ശ്രീനാഥ്, ശ്രീരഞ്ജിനി നായർ എന്നിവരെ പ്രധാന കഥാപാത്രങ്ങളാക്കി മൃദുൽ നായർ കഥയെഴുതി സംവിധാനം ചെയ്യുന്ന "കാസർഗോൾഡ് " എന്ന ചിത്രത്തിന്റെ മോഷൻ...

നടൻ ബാബുരാജ് വഞ്ചനാക്കേസിൽ അറസ്റ്റിൽ

തൊടുപുഴ: വഞ്ചനാക്കേസിൽ നടൻ ബാബുരാജ് അറസ്റ്റിൽ. ഹൈക്കോടതി നിർദേശപ്രകാരം അടിമാലി പൊലീസ് സ്റ്റേഷനിൽ ഹാജരാകുകയായിരുന്നു. റവന്യു നടപടി നേരിടുന്ന കല്ലാറിലെ റിസോർട്ട് പാട്ടത്തിനു നൽകി പണം തട്ടിയെടുത്തെന്ന പരാതിയിലാണ് നടപടി. കേസിൽ ഹൈക്കോടതി മുൻകൂർ...

ഗായിക വാണി ജയറാം അന്തരിച്ചു

ചെന്നൈ: ഗായിക വാണിജയറാം അന്തരിച്ചു (77). ചെന്നൈയിലെ വസതിയിൽ മരിച്ച നിലയിലാണ് കണ്ടെത്തിയത്. നെറ്റിയിൽ ഒരു പൊട്ടലുണ്ടായിരുന്നു. തമിഴ്നാട്ടിലെ വെല്ലൂരിൽ 1945-ലായിരുന്നു ജനനം. കലൈവാണി എന്നായിരുന്നു യഥാർത്ഥ പേര്. മലയാളം, തമിഴ്, കന്നഡ,...