കൊച്ചി : റിലയൻസ് ഡിജിറ്റൽ “ദീപാവലി ധമാക്ക” ഓഫർ അവതരിപ്പിച്ചു, ഉപഭോക്താക്കൾക്ക് ഒരു വർഷത്തേക്ക് സൗജന്യ ജിയോ എയർഫൈബർ സേവനം ഇതിലൂടെ നേടാം . ഈ ഓഫർ പുതിയതും നിലവിലുള്ളതുമായ ജിയോ ഫൈബർ, ജിയോ എയർഫൈബർ ഉപയോക്താക്കൾക്ക് 2024 സെപ്റ്റംബർ 18 മുതൽ നവംബർ 3 വരെ ലഭ്യമാണ്.
പുതിയ ഉപഭോക്താക്കൾക്ക് 20,000 രൂപയോ അതിൽ കൂടുതലോ റിലയൻസ് ഡിജിറ്റൽ, മൈ ജിയോ സ്റ്റോർ തുടങ്ങിയവയിൽ നിന്നും ഷോപ്പിംഗ് നടത്തിയോ അല്ലെങ്കിൽ 2222 രൂപയ്ക്ക് 3 മാസത്തെ ദീപാവലി പ്ലാൻ എടുത്തോ ഈ ആനുകൂല്യം നേടാം. നിലവിലുള്ള ഉപയോക്താക്കൾക്ക് 2222 രൂപയുടെ ഒറ്റത്തവണ മുൻകൂർ റീചാർജ് ചെയ്തുകൊണ്ട് ഈ ഓഫറിൻ്റെ പ്രയോജനങ്ങൾ നേടാം.
യോഗ്യരായ ഉപഭോക്താക്കൾക്ക് 2024 നവംബർ മുതൽ 2025 ഒക്ടോബർ വരെയുള്ള അവരുടെ നിലവിലുള്ള എയർഫൈബർ പ്ലാനിന് തുല്യമായ മൂല്യമുള്ള 12 കൂപ്പണുകൾ ലഭിക്കും, അടുത്ത 30 ദിവസത്തിനുള്ളിൽ റിലയൻസ് ഡിജിറ്റൽ, മൈ ജിയോ സ്റ്റോർ, ജിയോ പോയിൻ്റ് സ്റ്റോർ അല്ലെങ്കിൽ ജിയോ മാർട്ട് ഡിജിറ്റൽ എക്സ്ക്ലൂസീവ് സ്റ്റോറുകളിൽ 15,000 രൂപയ്ക്ക് മുകളിൽ സാധനങ്ങൾ വാങ്ങുമ്പോൾ ഇത് റിഡീം ചെയ്യാം.
