ബെംഗളൂരു: ഐപിഎല്ലിലെ മിന്നും പ്രകടനത്തിന് പിന്നാലെ പരിശീലന മത്സരത്തിലും ബോളർക്കെതിരെ തലങ്ങും വിലങ്ങും ഷോട്ടുകൾ പായിച്ച് കൗമാരതാരം വൈഭവ് സൂര്യവംശി. ഇംഗ്ലണ്ട് പര്യടനത്തിന് മുന്നോടിയായുള്ള ഇന്ത്യ അണ്ടർ 19 ടീമിൻറെ തയാറെടുപ്പുകളുടെ ഭാഗമായി ബെംഗളൂരുവിലെ ദേശീയ ക്രിക്കറ്റ് അക്കാദമിയിൽ നടന്ന പരിശീല മത്സരത്തിൽ വൈഭവ് 90 പന്തിൽ നേടിയത് 190 റൺസാണ്.
തന്റെ സ്വതസിദ്ധമായ ശൈലിയിൽ ബാറ്റ് ഉപയോഗിച്ച് റൺസ് അടിക്കുന്നതിന്റെ വീഡിയോകൾ അതിനോടകം സോഷ്യൽ മീഡിയയിൽ വൈറലായിട്ടുണ്ട്. അതേസമയം ആയുഷ് മാത്രെ നയിക്കുന്ന ഇന്ത്യയുടെ അണ്ടർ 19 ടീമിലേക്ക് തിരഞ്ഞെടുക്കപ്പെട്ട സൂര്യവംശി ജൂൺ 24 നും ജൂലൈ 23 നും ഇടയിൽ ഇംഗ്ലണ്ടിൽ അഞ്ച് ഏകദിന മത്സരങ്ങളും ഒരു പരിശീലന മത്സരവും കളിക്കും. ഇംഗ്ലണ്ടിനെതിരെ ഇന്ത്യയുടെ അണ്ടർ 19 ക്യാപ്റ്റൻ ആയുഷ് മാത്രെയ്ക്കൊപ്പം വൈഭവ് സൂര്യവംശി ഇന്നിംഗ്സ് തുറക്കും.
VAIBHAV SURYAVANSHI MADNESS..!! 🥶🔥
Vaibhav Suryavanshi smashed 190 off just 90 balls in a practice match during the India U-19 team’s camp at the BCCI Centre of Excellence in Bengaluru. [Gaurav Gupta]pic.twitter.com/QFsVSWyZeQ
— Sports Culture (@SportsCulture24) June 10, 2025
ഐപിഎല്ലിലെ സൂപ്പർ സ്ട്രൈക്കർക്കുള്ള ടാറ്റാ കർവ് ഇവി സ്വന്തമാക്കിയതും 206 സ്ട്രൈക്ക് റേറ്റിൽ റണ്ണടിച്ച വൈഭവ് ആയിരുന്നു. പരിശീലന ക്യാംപിൽ വൈഭവ് ബൗളർമാരെ തൂക്കിയടിക്കുന്ന വീഡിയോ കഴിഞ്ഞ ദിവസം പുറത്തുവന്നിരുന്നു. പരിശീലന മത്സരത്തിൽ പേസർമാരെയും സ്പിന്നർമാരെയും ഒരുപോലെ സിക്സിന് പറത്തുന്ന വീഡിയോ ഏറെ വൈറലായിരുന്നു. ഐപിഎൽ താരലേലത്തിൽ 1.1 കോടി രൂപയ്ക്ക് രാജസ്ഥാൻ റോയൽസ് സ്വന്തമാക്കിയ വൈഭവിന് ആദ്യ മത്സരങ്ങളിലൊന്നും പ്ലേയിംഗ് ഇലവനിൽ അവസരം ലഭിച്ചിരുന്നില്ല.
