BREAKING NEWS

’അണ്ണാ സോറി, വൈറലാക്കരുത്; ജീവിതം ചെകുത്താനും കടലിനും ഇടയിലാണ്…സോറി, സോറി, സോറി’; മോഷ്ടിച്ച ഏണി തിരികെ കൊണ്ടുവന്ന് വച്ചു, ഒപ്പം ക്ഷമാപണ കത്തും

· · 1 min read
Share: Copied!

അരുവിക്കര: പവർ ടൂൾസ് വാടകയ്ക്ക് നൽകുന്ന സ്ഥാപനത്തിൽനിന്ന് മോഷ്ടിച്ച അലുമിനിയം ഏണി ക്ഷമാപണക്കത്തോടൊപ്പം തിരിച്ചെത്തിച്ച് മോഷ്ടാക്കൾ. അരുവിക്കരയ്ക്കു സമീപം വട്ടക്കുളത്തെ എം.കെ. പവർ ടൂൾസിൽനിന്ന് കഴിഞ്ഞ 27ന് മോഷണംപോയ പുതിയ ഏണിയാണ് 30ന് ഉച്ചയോടെ തിരികെ ലഭിച്ചത്.

സ്ഥാപനത്തിന് പുറത്തുവെച്ചിരുന്ന ഏണി കാണാതായതായി 29നാണ് ഉടമ അൻവർ ശ്രദ്ധയിൽപ്പെട്ടത്. തുടർന്ന് സി.സി.ടി.വി. ദൃശ്യങ്ങൾ പരിശോധിച്ചപ്പോഴാണ് 27ന് ഉച്ചയ്ക്ക് ബൈക്കിലെത്തിയ മൂന്നുപേർ ഏണിയെടുത്തുകൊണ്ടുപോകുന്നത് കണ്ടത്. കടയുടമ അൻവറും ഭാര്യ ജസീനയും കടയോടു ചേർന്നുള്ള വീട്ടിൽ ഭക്ഷണം കഴിക്കാൻ പോയ സമയത്തായിരുന്നു മോഷണം. പാറശ്ശാല രജിസ്ട്രേഷനുള്ള ബൈക്കിലെത്തിയ സംഘം ഏണിയുമായി കടന്നുകളയുകയായിരുന്നു. തുടർന്ന് ഉടമ അരുവിക്കര പോലീസിൽ പരാതി നൽകി.

ഇതിനിടെ ഏണി മോഷ്ടിക്കുന്നതിന്റെ സി.സി.ടി.വി. ദൃശ്യങ്ങൾ അരുവിക്കരയിലെ വിവിധ വാട്സാപ്പ് ഗ്രൂപ്പുകളിൽ പ്രചരിച്ചു. ദൃശ്യങ്ങൾ ശ്രദ്ധയിൽപ്പെട്ടതോടെയാകാം ഏണിയെടുത്തവർ അത് തിരികെ നൽകാൻ തീരുമാനിച്ചത്. 30ന് ഉച്ചയ്ക്ക് ഏണിയും ക്ഷമാപണക്കത്തും സ്ഥാപനത്തിന് മുന്നിൽ ആരും കാണാതെ ചാരിവെച്ചശേഷം സംഘം മടങ്ങി.

‘അണ്ണാ സോറി’ എന്ന് തുടങ്ങുന്ന കത്തിൽ കുഴിയിൽ വീണ ഒരു സാധനം എടുക്കാനാണ് ഏണി കൊണ്ടുപോയതെന്നും നേരത്തേ തിരികെ എത്തിക്കണമെന്ന് കരുതിയിരുന്നെങ്കിലും പെട്ടെന്ന് മറ്റൊരിടത്തേക്ക് പോകേണ്ടിവന്നെന്നും പറയുന്നു. മൂന്ന് തവണ ‘സോറി’ പറഞ്ഞാണ് കത്ത് അവസാനിപ്പിച്ചിരിക്കുന്നത്.

 

BREAKING NEWS
എന്താണ് കേരളത്തിൽ നടക്കുന്നത്? 6 മാസം കൊണ്ട് 'ടീം യുഡിഎഫ്' പൂർണമായും തകർന്നു തരിപ്പണമായി, മന്ത്രിസഭായോഗത്തിൽ കോൺഗ്രസ് മന്ത്രിമാർ തമ്മിലും ഘടകകക്ഷി നേതാക്കളും മുഖ്യമന്ത്രിയുമായി മണിക്കൂറുകൾ നീണ്ടുനിൽക്കുന്ന ഏറ്റുമുട്ടലുകൾ, അഴിമതി നടത്താനുള്ള ത്വരയാണ് എല്ലാവരിലും, ഗ്രൂപ്പ് പ്രശ്നങ്ങളും തമ്മിലടിയും ...
21 Nov 2026
BREAKING NEWS
യുദ്ധം ആരംഭിച്ച ശേഷം ഇതുവരെ വെടിവെച്ചിട്ടത് 58 ഡ്രോണുകൾ!! പുതിയ വ്യോമപ്രതിരോധ സംവിധാനം ഉപയോഗിച്ച് രണ്ട് അമേരിക്കൻ ഡ്രോണുകൾ വെടിവെച്ചിട്ട് ഇറാൻ, സൈനിക നീക്കങ്ങൾക്കിടെ അമേരിക്കയ്ക്ക് 45 എംക്യു-9 ഡ്രോണുകൾ നഷ്ടമായി, ഡ്രോണുകളുടെ മൂല്യം 130 കോടി ഡോളറിലധികം... സൈനിക നീക്കങ്ങൾക്ക് പണം നൽകരുത്- ഡെമോക്രാറ്...
21 Nov 2026
BREAKING NEWS
ഭാര്യയോട് സംസാരിക്കുന്നത് കണ്ട് അയൽവാസിക്കു നേരെ വെട്ടുകത്തിയുമായി പാഞ്ഞടുത്ത് ഭർത്താവ്, യുവാവ് നിലത്തുവീണതോടെ കാൽ വെട്ടിയെടുക്കാനായി ശ്രമം, കാലിൽ പിടുത്തമിട്ടതോടെ നാട്ടുകാർ പൂഴിമണൽ കണ്ണിൽ വാരിയെറിഞ്ഞ് കീഴ്പ്പെടുത്തി, തടയാൻ ശ്രമിക്കുന്നതിനിടെ യുവതിയേയും ആക്രമിച്ചു, വധശ്രമത്തിന് കേസ്
21 Nov 2026
BREAKING NEWS
'രാവണനെ മഹത്വവൽക്കരിക്കാനുള്ള ബോധപൂർവ്വമായ ശ്രമം, രാമന്റെ മഹത്വം വ്യക്തമാക്കുന്ന പല ഭാ​ഗങ്ങളും ഒഴിവാക്കി; 'രാമായണ'യുടെ പ്രദർശനം നിർത്തിവയ്ക്കണം': വിശ്വഹിന്ദു പരിഷത്ത്
21 Nov 2026