‘ഒരു മുഖ്യമന്ത്രിയും ഒരു മന്ത്രിമാരും രാജാക്കന്മാരല്ല… ജനങ്ങളുടെ വോട്ട് നേടിയ ശേഷം ഞാൻ രാജാവും വോട്ട് ചെയ്തവർ പ്രജകളുമാണെന്ന് കരുതിയാൽ ദുഃഖിക്കേണ്ടി വരും!! വിഡി സതീശൻ ഒരു അത്ഭുതം, എൻഎസ്എസ് ആസ്ഥാനത്ത് ഇരിക്കുന്നയാൾ പെരുമാറുന്നത് രാജാവിനെ പോലെ’- സുകുമാരൻ നായരെ കൊള്ളിച്ച് ശ്രീകുമാരൻ തമ്പി

പറവൂർ: വി ഡി സതീശൻ ഒരു അത്ഭുതമാണെന്ന് കവിയും ​ഗാനരചയിതാവുമായ ശ്രീകുമാരൻ തമ്പി. പറവൂരിൽ മുഖ്യമന്ത്രി വി ഡി സതീശന് പൗരാവലി നൽകിയ സ്വീകരണത്തിൽ സംസാരിക്കുകയായിരുന്നു അദ്ദേഹം. പ്രതിപക്ഷ നേതാവായിരുന്നപ്പോൾ ഇത്രയധികം ജനപ്രീതി നേടിയ മറ്റൊരാളില്ലെന്ന് ചൂണ്ടിക്കാണിച്ച വി ഡി സതീശൻ അദ്ദേഹത്തിൻ്റെ സ്വഭാവമാണ് അതിന് കാരണമെന്നും പറഞ്ഞു.

ജനങ്ങളുടെ വോട്ട് നേടിയ ശേഷം ഞാൻ രാജാവും വോട്ട് ചെയ്തവർ പ്രജകളുമാണ് എന്ന് കരുതിയാൽ ദുഃഖിക്കേണ്ടി വരും. വി ഡി സതീശൻ അങ്ങനെയുള്ള ഒരാളല്ല എന്നത് കൊണ്ടാണ് താൻ ഈ പരിപാടിക്ക് വന്നതെന്നും ശ്രീകുമാരൻ തമ്പി വ്യക്തമാക്കി. ഒരു മുഖ്യമന്ത്രിയും ഒരു മന്ത്രിമാരും രാജാക്കന്മാരല്ലെന്നും ശ്രീകുമാരൻ തമ്പി പറഞ്ഞു.

അതേസമയം എൻഎസ്എസ് ജനറൽ സെക്രട്ടറി സുകുമാരൻ നായർക്കെതിരെയും ശ്രീകുമാരൻ തമ്പി രൂക്ഷവിമർശനം ഉന്നയിച്ചു. എൻഎസ്എസ് ആസ്ഥാനത്ത് ഇരിക്കുന്ന ആൾ പെരുമാറുന്നത് രാജാവിനെ പോലെ എന്നായിരുന്നു വിമർശനം. വി ഡി സതീശൻ്റെ സാന്നിധ്യത്തിലായിരുന്ന ശ്രീകുമാരൻ തമ്പിയുടെ വിമർശനം.

കക്കാ വാരുന്നതിനിടെ അപ്രതീക്ഷിതമായി നദിയിൽ ജലനിരപ്പ് ഉയർന്നു, ഏഴു സ്ത്രീകൾ ഉൾപ്പെടെ ഒരു കുടുംബത്തിലെ എട്ടുപേർ മുങ്ങിമരിച്ചു, രണ്ടുപേരെ കാണാതായി, പലരും മരണത്തിനു കീഴടങ്ങിയത് ഒഴുക്കിൽപ്പെട്ട രണ്ടുപേരെ രക്ഷിക്കാൻ ശ്രമിക്കുന്നതിനിടെ, മരിച്ചവരുടെ കുടുംബങ്ങൾക്ക് 5 ലക്ഷം രൂപ അടിയന്തര ധനസഹായം പ്രഖ്യാപിച്ച് സിദ്ധരാമയ്യ